Advertisements

Parlamentario Curtley Obispo: Integridat, elekshon, struktura di gobernashon i Kolegio di protekshon di dato di persona.

Integridat, elekshon, struktura di gobernashon i Kolegio di protekshon di dato di persona.

Djamars 11 desèmber 2018 durante tratamentu di e konsepto proyekto di lei di presupuesto 2019 di Pais Kòrsou, parlamentario Curtley Obispo a trese dilanti ku integridat ta masha importante pa ku gobernashon di Kòrsou. Ta p’esei den e Akuerdo di Gobernashon 2017-2021, integridat ta un di e puntonan ku akshon i den kuadro di esaki e Ministerio di Gobernashon, Planifikashon i Servisio tin un ròl importante pa realisá e meta aki. Pa splika kiko ta nifiká integridat, parlamentario Curtley Obispo a sita un parti for di e buki di señor Nelson Foendoe titulá: ”Becoming a person of integrity, how to strengthen your moral principles”. Aki parlamentario Curtley Obispo a lesa promé na ingles i despues a tradusí esaki na papiamentu:”integridat ta un di e pertenensia masha importante den bida i un di e karakterístikanan mas nesesario pa humanidat ta integridat. Desafortunadamente maske integridat ta kritiko, e no ta fásil pa midi meskos ku temperatura eifó. No tin un meter di integridat. Pues integridat ta un karakter moral i solamente por haña esaki entre sernan ku moral. Integridat ta bai bek na kreador di tur kos, Dios todopoderoso”.

Parlamentario Curtley Obispo tambe a hasi diferente pregunta pa trese mas informashon i mas klaridat riba e tópikonan di integridat, elekshon, struktura di gobernashon i e Kolegio di protekshon di dato di persona (College Bescherming Persoonsgegevens). Ta trata di e siguiente preguntanan: (1) kuantu kandidatonan ku a partisipá na elekshon 2016 i 2017, no a raportá i no a kumpli ku e Landsverordening Financiën Politieke Partijen?; (2) Konseho Supremo Elektoral a hasi denunsia na Ministerio Públiko di e kandidatonan ku no a kumpli Landsverordening Financiën Politiek Partijen?;(3) Kuantu personal tin den e plan di formashon di Buro di Integridat? Den florin, kuantu ta e presupuesto di e Buro di Integridat?; (4) Un bon notisia ta ku Minister tin un kantidat di konsepto di lei pa yega na Konseho Elektoral (Electorale Raad). Pregunta ta si ta logra implementá e Konseho Elektoral promé ku elekshon di aña 2021? Den florin, kuantu ta e presupuesto nesesario pa e Konseho Elektoral?;(5) Pa loke ta reforsá e struktura di gobernashon, kua ta e dekretonan nashonal ku mester implementá a base di e Landsverordening Ambtelijke Bestuurlijke Organisatie? Puestonan ku por ta vakante di Sekretario General, Direktor di Sektor i Direktor di Maneho, lo rekruta den aña 2019 ? i (6) Den florin,  kuantu ta e presupuesto nesesario pa e Kolegio di protekshon di dato di persona.

Advertisements
error: Content is protected !!
%d bloggers like this: