Advertisements

Curacao Baseball Week

Curacao Baseball Week

 

Curacao  Baseball Week 2018 tabata un éksito rotundo.
 
Curaçao Baseball Week a tuma lugá di 23 di novèmber te ku 1 di desèmber.
 
Curacao Baseball Week a kuminsá siman ku e seminario di Coachnan na Tio Daou Ballpark.
E promé dia kompleto a dediká na e forma ku coachnan di baseball Kòrsou por a haña tips serka coachnan di merka manera, Alonzo Powell, John Casey, Jamie Pinzinho, Ryan Sienko, Kainoa Correa I Hensley Meulens mes. Café Barista ta esun ku a opsekiá catering pa tur loke ta kos di kome I di bebe pa e coachnan. Un dia totalmente gratuito pa tur coach di Kòrsou. Parti mainta nan a haña téknika I parti atardi nan a subi vèlt pa nan haña Klínika .
E seguiente dia Curacao Baseball Week tabatin un torneo di Golf organisá huntu ku Ronald McDonald Curacao na Old Quarry na Santa Barbara Resort. Tambe un dia ameno kaminda ku hungadó di baseball a topa ku hungadó di golf. Tabata un atardi hopi plasentero, relahante i ku hopi harimentu. Ganadó rotundo di e torneo di golf aki tabata e team ku a konsistí di Osteria Rosso, Marro Pietersz, Jean-Paul Bouwense, Maren O’niel, Miles Maynard. Nan kada un a gana un telefòn opsekiá pa UTS I un bòter di champagne di Licores Maduro. Tambe na e torneo di Golf akí a saka e Ganadó di dos World Series tickets inkluso tickets pa buelo I estadia den hotel pa un hungadó di golf ku a bini for di Aruba, Gregory Croeze. E premio akí tabata opsekio di Ofisna di Turismo.
Tin ku bisa ku e torneo ya a bira international komo ku un Team di Aruba I dos team di New York a partispá na e torneo akí.  
Curacao Baseball Week di djaluna te ku djaweps, esta di 26 te 29 di novèmber tabata enserá klínika pa nos muchanan. Nos mes peloteronan grandi den lu baseball a duna tur tips na e muchanan aki dor di pasa nan sabiduria I eksperensia ku nan tin den baseball pa e muchanan aki. 1200 mucha por a haña klínika serka Andrew Jones, Didi Gregorious, Jonothan Schoop, Jurickshon Porfar, Andrelton Simmons, Ozzie Albies, Juremy Profar, Chulo Simons, Hainley Statia, Diegomar Markwell, Juremy Profar, Sharlon Schoop, Eugene Kingsale, Calvin Maduro, Shairon Martis, Dashenko Ricardo, Yurendel de Caster, Hendrick Clementina, Shakir Albert i Dudley Leonora. Na final e muchanan a risibí un sertifikado I kada un a haña djus I èiskrim di Lovers, un opsekio di Glacial, un sèrbètè di Ennia pero tambe un voucher di Changes I un bala di TDS.
Nos mes hungadónan a haña auto di hür opsekiá pa Alamo I nan por a keda na Santa Barbara Beach Resort, Kura Hulanda òf na Bue Bay Resorr pa e siman di klínika. Tambe nos tabatin otro sponsor manera: PRGV 100% Creatie, Sagicor, Kura Hulanda, Profound Projects, Aqualectra, Blue Finn Charter, Aska, ISC, Ronald McDonald House Curacao, Curcacaose Wegen Bouw, KNSB, Vertegenwoordiging van Nederland, Pinnacle, Coca Cola, Trupial Inn, Changes, Lovers, Glacial, Korpodeko, Radio Mas, TV Direct, Telecuracao, Licores Maduro, Madero, Brakkeput, Cravings, Avila Beach, Fuoco, Pincho Garden, Deli Nova, Osteria Rosso, Wine Factory, JEEP, Heineken, Café Barista, Number 10, Kome, Old Quary ta sponsornan ku a yuda pa hasi e siman aki posibel I eksitoso .
E anochi di homerun derby I wega di softball a kulminá na Tio Daou Ballpark ku un wega di sorftball di basilon hungá pa nos mes hungadónan huntu ku otro. E anochi ei tambe a saka e ganadó di e All Star Game ticket, inkluso estadia I hotel komo opsekio di Ofisina di Turismo pa un hóben yamá
Di Curacao Baseball Week su homerun derby tabata Wecho Schoop komo ganadó di e Derby.
Esaki tabata e di 6 edishon di Curacao Baseball Week kaminda nos hungadónan estelar a duna bèk na pueblo di Kòrsou dor di duna un siman largu tur ku tin, esta duna tur loke nan a siña I eksperensiá den Basebal afó, na nos hungadónan chikitu aki na kas. Di e manera akí nan ta aportá tambe pa laga baseball krese I desaroyá l ta purba di hasi baseball na Kòrsou mas grandi ku e ta. Ku un Kòrsou chikí manera nos ta, tin tantu Estrella asina’ki kemen ku nos ta riba bon kaminda I ku nos tin ku sigui riba e kaminda aki pa bira mas eksitoso.


Atrobe Curacao Baseball Week ke yama danki na tur su sponsor nan ku ta: Curacao Tourism Bureau, Doc Haveron, Curacao Airport Holding, Curacao Airport Partners, Ennia, MLB Players Association, Alamo, Blue Bay Resort, Santa Barbara Resort, Palm Management, PRGV 100% Creatie, Sagicor, Kurá Hulanda, Profound Projects, Aqualectra, Blue Finn Charter, Aska, ISC, Ronald McDonald House Curacao, Curcacaose Wegen Bouw, KNSB, Vertegenwoordiging van Nederland, Pinnacle, Coca Cola, Trupial Inn, Changes, Lovers, Glacial, Korpodeko, Radio Mas,  TV Direct, Tele Curacao, Licores Maduro, Madero, Brakkeput Mei Mei, Cravings, Fuoco, Pincho Garden, Deli Nova, Osteria Rosso, Wine Factory, JEEP, Heineken, Café Barista, Avila Beach, Number 10, Kome, Old Quary.

.
.
.
.
.
Advertisements
error: Content is protected !!
%d bloggers like this: