Advertisements

“Salariskompas-Loonwijzer” ta krusial pa yuda un hoben skohe un estudio i profeshón den futuro!

Un indikadó manera “Un indikadó manera “Salariskompas-Loonwijzer” ta krusial pa yuda un hoben skohe un estudio i profeshón den futuro!

Willemstad- – Resientemente Minister di Enseñansa, Siensia, Kultura i Deporte (ESKD) sra. Minister Marilyn Alcalá-Wallé na nòmber di Kabinete Rhuggenaath a ofisialisá instalashon di e “Werkgroep Salariskompas-Loonwijzer”.
Ministerio di ESKD su empeño ta pa informá e.o e studiantenan di antemano tokante indikashon di salarionan ora ke skohe e diferente profeshonnan.
Den e kuadro aki nan ta haña mas instrumento pa skohe mas konsiente ora nan ta skohe pa un estudio i e nivel di fiansa ku nan ta hasi, di manera ku ta krea debenan di estudio pagabel ora nan subi merkado laboral.
Pa informá i konsientisá e studiantenan i tambe e komunidat di Kòrsou, ta sumamente importante pa un i tur por disponé di informashon aktual i konkreto tokante e salario ku ta pertenesé na kada profeshon. Te ku awor e informashon aki no ta disponibel na Korsòu. Pesei Minister di ESKD, señora Marilyn Alcalá-Wallé, a tuma e initiativa pa instalá un grupo di trabou pa por kumpli ku e nesesidat aki.
Ademas ta imperativo pa prinsipalmente tur studiante di Kòrsou ta konsiente di tur e implikashonnan ku un debe di estudio haltu por trese kuné i kon esaki por afektá e futuro finansiero di nan i nan futuro famia. Hopi ta realisá esaki despues di e estudio i ora di paga bèk.

Den kuadro aki a instalá e grupo di trabou ya menshoná ku ta konsistí di diferente eksperto saliendo for di diferente disiplina, kual ta: un representante di Ministerio di ESKD, direktor di maneho di ministerio di ESKD, un representante di ministerio di Desaroyo Sosial, Labor i Bienestar. (SOAW), unu di ministerio di Desaroyo Ekonómiko, unu di Ministerio di Maneho di Gobernashon, Planifikashon i Servisio Públiko, i tambe unu di S.S.C.
E grupo di trabou ta entregá resultado di e trabou aki den e promé mitar di 2019. Ku esaki dentro di poko komunidat i studiantenan i tur esnan ku ta laborá tin un sistemá digitalisá ku nan tur por konsultá ora nan ke haña un bista di e entrada promedio ku ta mará na kada profeshon.

Riba e foto por mira e grupo di trabou (SOAW no tabata presente). Di robes pa drechi: sra. Dainadira Martis (CBS), sra. Mary-Rose Rosalia (MEO), Minister, sra. Susan Larmonie- van Heydoorn (Bekeiddirecteur ESKD i alabes Presidente di e Grupo di Trabou) i sra. Ada Tromp (SSC).

 

Advertisements
error: Content is protected !!
%d bloggers like this: