Advertisements

ÙLTIMO LUNA YEN PA AÑA 2018

ÙLTIMO LUNA YEN PA AÑA 2018

 

Kralendijk – Kolaboradornan huntu ku SKAL ta tratando pa e aktividat aki ku a bira asina popular den nos region , keda mantené su struktura pero den un forma ku por sigui risibí mas bishitante. Interes ta grandi i manera ta konosí kaba ku t’un aktividat kaminda ta duna oportunidat pa kompartí talento den forma di poesia, storia kòrtiku, kansion, chiste ku charada serando konosí ku otro talentonan den un ambiente agradabel. Nos di parti di SKAL ta anhelá di por konta ku presensia di mas hóben na aktividat di Luna Yen pa garantisá kontinuashon di esaki pa nos komunidat. Anochi ku Luna Yen no ta trata di kompetensia ni di kategoria sino un aktividat ku un karakter di  estímulo i duna espasio na talentonan ku kisas ta poko tímido dilanti di un públiko grandi. Nos aktividat no ta tolerá hasimentu di negoshi, aktonan bulgar tampoko otro problemanan ku por stroba su desaroyo. Klaridat di luna, trankilidat di naturalesa kombiná ku bon humor nos ta konsiderá sala dje teater di Anochi ku Luna Yen. Ta kompletamente liber si bo ke trese algu di boka dushi pa trit esnan presente manera semper ta nos kustumber. Pues sin ningun klase di obligashon kolaboradónan ku Gobièrnu pa medio di Direktorado Komunidat i Kuido/SKAL ta invitá bo na e último aktividat di Anochi ku Luna Yen pa e aña aki. Bin konta bo storia, deklamá òf opservá i animá.

 

Tur hende ta kordialmente bon bini.  E anochi ku Luna Yen ta kompletamente grátis.

 

Sitio:  SKAL

Direkshon:  Kaya N.E. Craane #34 na Playa Pabou.

Fecha:  djabièrnè 21 di desèmber 2018

Ora:  7or di anochi.

                            

Tin transporte grátis ku ta sali 6or atardi for di Rincon i sigui pa SKAL.

Un súplika na tur esnan ku mester di transporte pa hasi reservashon na tempu na SKAL.  

          

Pa mas informashon por tuma kontakto ku kolaboradónan:

  • Yùfrou Yoi Helmeyer- Marsera; +599 9 516 6560
  • Magali Sumter;  + 599 9 565 0947
  • Ubaldo Anthony; + 599 717 4935
  • Orlando Francisca  – + 599 786 2131 òf + 599 7962131
  • Nochi Coffie; + 599 785 6388
  • SKAL + 599 717 8868

 

Atentamente,

Hefe di departamentu Edukashon i Bienestar

di direktorado Komunidat i Kuido,

sra. Ally Pourier-Beukenboom

 

Advertisements
error: Content is protected !!
%d bloggers like this: