Advertisements

Parlamentario Curtley Obispo: Presupuesto 2019 di Ministerio di Desaroyo Ekonómiko

Presupuesto 2019 di Ministerio di Desaroyo Ekonómiko

Durante e promé dia di tratamentu di e konsepto proyekto di lei di presupuesto 2019 di Pais Kòrsou, parlamentario Curtley Obispo a hasi diferente preguntanan na Minister di Desaroyo Ekonómiko señor Steven Martina. Preguntanan riba resultadonan di aña 2018, kiko ta e akshonnan konkreto pa aña 2019 i status di dunamentu di kuenta i rason dor di 2 kompania anónimo di Gobièrnu di Kòrsou.

Ta trata di e siguiente preguntanan: (1) kua ta e akshonnan konkreto den aña 2019 ku Gobièrnu di Kòrsou lo tuma pa: (a) stimulá kresementu ekonómiko?, (b) sigui drecha e klima di invershon?, (c) sigui stimulá invershonnan lokal?, (d) sigui atraé invershonnan estranhero? i (e) baha kosto di hasi negoshi (cost of doing business)?. (2) Kiko ta e status di e diferente dekretonan nashonal (landsbesluiten) ku Minister a firma den aña 2017 i 2018? Kiko ta e resultadonan konkreto te awor aki di tur e dekretonan nashonal aki?. (3) Masterplan di Turismo: (a) kua ta e logronan den aña 2018?, kua ta e metanan konkreto pa aña 2019?.  (4) Afvalstoffenbelasting: (a) kuantu kliente Aqualectra tin registrá pa loke ta afvalstoffenbelasting? (b) Aqualectra ta kumpliendo kabalmente ku e afdracht?. (c) Tin retraso pa loke ta afdracht di afvalstoffenbelasting?. Si ta e kaso, kuantu esaki ta den mion florin?. (5) Kon lo bai resolvé e retraso den kuenta nan anual audita 2015 te ku 2017 di Buskabaai N.V.? Ki dia Parlamento di Kòrsou por risibí e kuenta nan anual audita 2015 te ku 2017 di Buskabaai N.V?. (6) Kon lo bai resolvé e retraso den kuenta nan anual audita 2013 te ku 2017 di CDM Holding N.V.? Ki dia Parlamento di Kòrsou por risibí e kuenta nan anual  audita 2013 te ku 2017 di CDM Holding N.V?.

Por último parlamentario Curtley Obispo a hasi petishon pa risibí di Minister e indikadónan (nan) ekonómiko 2011 te ku 2018 pa loke ta eksportashon di Pais Kòrsou.

Advertisements
error: Content is protected !!
%d bloggers like this: