Advertisements

Parlamentario Curtley Obispo: CRU invershon/mantenshon 2011-2017 i e plan di akshon stabilidat di CRU.

CRU invershon/mantenshon 2011-2017 i e plan di akshon stabilidat di CRU.

Durante e reunion di komishon sentral di Parlamento di Kòrsou di dia 3 desèmber 2018, parlamentario Curtley Obispo, a base di e presentashon di Refineria di Kòrsou, a hasi diferente pregunta pa trese mas klaridat i mas informashon pa loke trata CRU (Curaçao Refinery Utilities). Mirando e ròl importante ku CRU tambe tin pa ku presente i futuro di refineria aki na Kòrsou, a hasi entre otro e siguiente preguntanan: (1) segun e kuentanan anual audita di CRU/RDK di añanan 2011 te ku 2017: (a) kuantu tabata e total di invershonnan den CRU durante e añanan aki? (b) kuantu tabata e total di gastu di mantenshon durante e añanan aki? (3) kua ta e desishonnan drástiko i inmediato ku tin ku tuma den e kadena di CRU i RDK pa asina stabilisá e situashon di suministro di awa, koriente, stom i airu komprimí na refineria?. (4) kon ta bai bòltu e blachi despues ku “startup” CRU/yega un produkshon kritiko di CRU? Tin un plan di akshon pa “switch” di un produkshon kritiko pa un produkshon stabil di CRU ?, (5) Pa loke ta tratá e plan di akshon pa stabilidat riba término kòrtiku di CRU: (a) ki dia ta kuminsá ku implementashon? i (b) ki dia ta kaba ku implementashon?.

 

Advertisements
error: Content is protected !!
%d bloggers like this: