Advertisements

KOMUNIKADO DI KUERPO POLISIAL KÒRSOU Ta buskando mas kandidato pa polis.

KOMUNIKADO DI KUERPO POLISIAL KÒRSOU

498 / 2018

6 desèmber 2018

Ta buskando mas kandidato pa polis.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Algun luna pasá, Kuerpo Polisial a habri oportunidat pa esnan interesá por a solisitá pa e funshon di aspirante di polis.
Un kantidat di hóben a solisitá i despues a pasa den e proseso di selekshon.
No opstante di e reakshon aseptabel, despues di e selekshon, no a logra di haña e kantidat di kandidatonan ku tin mester pa a forma e diferente klasnan.
En bista di esei, tin chèns atrobe for di awe te i ku 20 di desèmber 2018, pa solisitá pa e funshon di aspirante pa polis.
Ta importante pa menshoná, ku personanan ku resientemente a solisitá, por hasi esaki atrobe despues di un (1) aña.
Solisitut por tuma lugá di djaluna pa djabièrnè, entre 8’or di mainta pa 4’or di atardi na Departamento di Rekurso Humano na kompleho polisial na Winston Churchillweg.
Tambe por solisitá digital.
Pa mas informashon tokante solisitut, por bishitá e wèpsait di polis ku ta www.polis.cw òf facebook Korps Politie Curaçao.

Advertisements
error: Content is protected !!
%d bloggers like this: