Advertisements

Fundashon pa Maneho di adikshon a risibí donashon

Fundashon pa Maneho di adikshon a risibí donashon

 

Willemstad – Minister di Finansa señor Kenneth Gijsbertha, na nòmber di Fundashon Wega di number Kòrsou (FWNK), a hasi un donashon na balor di 35000,- florin na Fundashon pa Maneho di adikshon. Señora Meta Fahrenfort, direktor di FMA a risibí e chèk.

Banda di e tarea di organisá wega di number, Fundashon Wega di Number Kòrsou ta kontribui anualmente ku donashon pa kombatí adikshon na wega di plaka i na proyektonan di deporte. Ademas Fundashon Wega di number Kòrsou ta kontribui na treining di personal di casino pa traha riba prevenshon di adikshon na wega di plaka. Por ehèmpel komo parti di e proyekto ‘self exlusion’ empleadonan di casino ta kontrolá pa esnan ku tin prohibishon di gèmbel pa nan no haña entrada den casino.

Komo parti di e trayekto di prevenshon FMA ta produsí material di informashon pa públiko. Ta pone aviso pa mustra ku mester gèmbel responsabel.  

Riba pòrtrèt d.r.p.d: Minister di Finansa Kenneth Gijsbertha, Direktor di Fundashon Maneho di Adikshon sra. Meta Fahrenfort i direktor di Fundashon Wega di Number Kòrsou sr. Javier Samson.

 

Advertisements
error: Content is protected !!
%d bloggers like this: