Advertisements

Elsa Rozendal di MAN: Kon ta pará ku seguridat di alumno, maestro i trahadó di nos skolnan?

Elsa Rozendal di MAN: Kon ta pará ku seguridat di alumno, maestro i trahadó di nos skolnan?


Ku hopi asombro Parlamentario Rozendal a tuma nota di un suseso resientemente kaminda un hóben di un skol avansá aki na Kòrsou a traha un “hitlist”.  Di informashon ku Rozendal ta disponé dje, direktiva di e skol a papia ku e mayornan di e alumno en kuestion i a kité for di skol. Tambe e direktiva di skol a papia ku sobrá mayornan di e alumnonan ku ta bishitá e skol aki pa duna nan aklarashon i trankilidat riba e suseso aki.

E Parlamentario ta di opinion ku tur mucha, alumno, maestro i tur ku ta laborá na nos skolnan rònt Kòrsou mester sinti nan mes seif i sigur. Esaki ta konta pa tantu den kurá di skol i rondó di skol.

Segun Rozendal, no por djies ignorá e suseso aki sin mas, sino mas bien miré komo un “wake up call” pa nos ban ta mas konsiente i alèrta.

Den e kuadro aki parlamentario Rozendal a hasi e sigiuente preguntanan na Minister di enseñansa:

  1.  Minister por bisa Parlamento si alumnonan i maestronan di e skol en kuestion a haña e guia nesesario despues di e suseso aki?

2.Minister por bisa Parlamento ki pasonan Minister a òf ta bai tuma pa garantisá ku tur alumno i esnan ku ta laborá na nos skolnan ta seif i sigur?

  1. Minister por bisa Parlamento si tur skol tin un draaiboek pa sa kon ta atendé ku kasonan asina?
  2. Minister por bisa Parlamento si tur skol a dediká atenshon na konsientisashon riba e tipo di kasonan aki i kon pa posibelmente evitá nan?
  3. Minister por bisa Parlamento si tur skol tin un plan pa seguridat na skol?

Advertisements
error: Content is protected !!
%d bloggers like this: