Advertisements

Djamars awor riba Freewinds: “A NIGHT DIVINE”  KU KADIR & FRIENDS

Djamars awor riba Freewinds: “A NIGHT DIVINE”  KU KADIR & FRIENDS

 

WILLEMSTAD —  Djamars awor dia 11 di desèmber próksimo, lo tin un tremendo konsierto riba e barku Freewinds, titulá: “A Night Divine”, ku presentashon di e ilustre kantante Kadir Snijder i su amigunan.

E amigunan di Kadir ku lo partisipá huntu ku n’e den e tremendo konsierto aki ta entre otro Kirsten Mare un hobensita ku un talento sin igual, pero tambe lo tin presentashon di Iris Mantel, Jasmin van Eeden i tambe Riggwenda Doorjé. Ta bon pa hasi menshon ku Kirsten Mare i tambe Iris Mantel ta studiantenan di Kadir.

E preis di entrada pa e tremendo konsierto aki ku lo konta ku kompañamentu di The Freewinds Band, lo ta di 40 florin i ta optenibel na, Mensing’s Caminada i tambe na General Catering  o via telefònnan 690-8238, 524-3712 o 562-5083. Por akudí na Kadir Snijder su página di artista riba Facebook tambe pa karchi.

Fondonan rekoudá na e aktividat aki ta bai pa Dierenbescherming. Un kousa noble.

Silver Wolves ta e organisashon ku ta presentá e evento aki. Silver Wolves ta un kompania hóben i  ambisioso ku sigur nos lo bai tende mas di dje den futuro.

Kadir den pasado a yega di konosé konsiertonan eksitoso i no tin duda ku esun di djamars awor tambe lo bira unu grandi. Esei nos por konta ku n’e.

E konsierto aki ta esun ku ta habri e temporada di Pasku aki na Kòrsou, kaminda lo tin únikamente kansionnan bunita pa esnan presente disfrutá di dje.

Atentamente

 

Pa entrevista por yama Silver Wolves na 690-8238 of 568-3411

Advertisements
error: Content is protected !!
%d bloggers like this: