Advertisements

ASIS subdivision awor tambe na Aruba, Kòrsou i islanan BES. Oportunidat pa profesionalisá protekshon i seguridat lokalmente.

ASIS subdivision awor tambe na Aruba, Kòrsou i islanan BES.

Oportunidat pa profesionalisá protekshon i seguridat lokalmente.

 

Willemstad – Durante e konferensia GSX 2018 (antes ASIS annual seminar & exhibition) na Las Vegas un subdivishon nobo a ser habrí na Aruba, Kòrsou i islanan BES. E subdivishon aki di ASIS ta konta ku 50 miembro. ASIS (American Society for Industrial Security) ta un organisashon merikano pa seguridat industrial kual ta number 1 internashonalmente, riba tereno di seguridat avansá i ta promové liderasgo den maneho di seguridat.

Durante último añanan e kantidat di miembro di ASIS riba nos islanan a subi konsideradablemente. Pa habri un ASIS-chapter mester di un mínimo di 25 miembro, pa e subdivishon wòrdu habrí i aprobá dor di e organisashon. Riba nos islanan e kantidat rekerí a surpasá e kual awor ta duna e oportunidat pa lokalmente traha pa sigui profesionalisá protekshon i seguridat.

Ku komienso di ASIS na Aruba, Kòrsou i islanan BES ta spera ku nos por bira un bosero balioso pa desaroyo di standártnan riba tereno di seguridat pa politiká i komèrsio lokal

E standártnan riba tereno di seguridat den su totalidat no ta eksistente na e momentunan aki. Tin plannan bastante avansá pa entrená mas persona riba nivel internashonal i tambe pa ofresé estudionan lokalmente.

Direktiva di e ASIS subdivishon nobo riba nos islanan ta formá pa presidente Willem Teuben (Chief Security Officer di Maduro & Curiel’s Bank), vice-presidente Fleur Tromp (Security Director di Banko Sentral di Aruba), sekretario Gary Crawford (Security Consultant na Kòrsou) i tesorero Dubberlysse Merce (Manager Investigations di Maduro & Curiel’s Bank).

Durante di e reunion kaminda a lansa ASIS Dutch Caribbean, orador Robert Candelaria (Miembro di Parlamento di Aruba) a felisitá ASIS ku e subdivishon nobo i a indiká ku ASIS su ròl ta un importante den desaroyo di partnernan públiko-privá. Sin lubidá e importansia di protekshon i seguridat di nos islanan.

Pa mas informashon por bishitá e wèbsait www.asisonline.org  i tame por manda un e-mail pa ASIS Dutch Caribbean na info@asisdutchcaribbean.com.

Riba potrèt orador Robert Candelario ku a trata e tema ‘Public-private partnership as a tool to make our communities safer’.

.

.

.

.

 

6 di desèmber 2018

Advertisements
error: Content is protected !!
%d bloggers like this: