Advertisements

Partido Alternativa Real no ta asepta difamashon

Partido Alternativa Real no ta asepta difamashon

Willemstad – Lamentablemente e panorama polítiko di nos país durante último añanan a tuma un trayekto unda  sierto personahenan ta hasi mal uso di nan posishón polítiko. Nan ta hiba komunidat den un ruta di sosobra, resentimentu, i di tene nos ku nos den un konstante pelea pa midi forsa i no pa midi ideanan konstruktivo pa hiba Kòrsou dilanti. Na luga di esaki mensahenan destruktivo, a para bira e arma polítiko pa purba trese a base di kalumnia i difamashón nada otro ku desepshón, malkontentu i deskonfiansa di komunidat pa ku polítikonan i polítika en general.

Partido Alternativa Real (PAR) ta rechasá enérgikamente tur klase di akto difamatorio entro otro di parti di sr. Amparo Do Santos pa ku nos miembro sr. Leo Rigaud i nos Líder Polítiko i aktual Promé Minister sr. Eugene Rhuggenaath. A para bira kustumber ku ta pretendé di mancha nomber di hende keriendo ku nos komunidat ta bai sigui morde e trampanan pa gara popularidat a base di esaki. Por fabor ban respetá nos hendenan, no balotá otro manera boso mes ta aktua.

Si pa boso ta fásil ta korupto, difamá hende of trapa otro pa purba subi, esei ta boso su strategia pero sigur NO di PAR.

Promé ku sr. Dos Santos bai vosiferá palabranan difamatorio nos lo rekomendé pa hiba su preokupashón, pruebanan i denunsia na e instansianan hurídiko konserní.

Na henter komunidat nos ke bisa tambe, ku nos ta kere den diversidat di opinión i di eskoho pero semper a base di respèt, berdat i dignidat.

Ta basta awor, Kòrsou a kansa i nos tambe a kansa. Esaki ta nos posishón i nos lo sigui pa dilanti tresiendo bèk e konfiansa, e transparensia pa nos por ta e país próspero i líder den Caribe ku nos meresé. Nos no tin más tempu di perde i no lubidá esaki: tan ten un mata ta duna bon fruta, sèmper lo keda mandé ku piedra!

Advertisements
error: Content is protected !!
%d bloggers like this: