Advertisements

Invitashon na Pueblo di Kòrsou pa ta Solidario ku Gerrit Schotte Lider Polítiko di MFK

Invitashon na Pueblo di Kòrsou pa ta Solidario ku Gerrit Schotte Lider Polítiko di MFK

Djárason 5 di desèmber pa 9or di mainta Kòrsou su lider Gerrit Schotte lo bai mèldu su mes na prisòn.

Nos kier pidi tur miembro i simpatisante di MFK i pueblo en general pa ban kompaña Gerrit Schotte mayan mainta. Nos ta spera tur hende 8:30 riba e plenchi di misa di Koraal Specht.

For di einan nos ta kana i kompaña e lider di Kòrsou te na porta di prizòn, un súplika na tur hende ku lo bai ta presente mayan, pa nos laga nos sentido síviko prevalesé i pa nos komportashon ta unu ehemplar.

Kòrsou kompletu ta konvensí ku tur loke ta pasando ku Gerrit Schotte ta un persekushon polítiko i ku for di mayan ora e drenta prizòn e ta bai sakrifiká su mes i su famia, djis pasombra Gerrit kier a konstruí un Kòrsou kaminda nos tur, lo por biba un bida muchu mas mihó.

Pero forsa nan aheno, ku no kier mira nos dushi Kòrsou prosperá a bringa nos lider Gerrit Schotte.

Pero ku kara ariba i ku fe i speransa, ku un dia Gerrit su soño di un Kòrsou próspero lo bira realidat nos ta bai kompañé mayan riba e mishon nobo aki.

 

Direktiva di MFK

Na nòmber di lider Polítiko di MFK

Gerrit Schotte (Prezu Polítiko)

Advertisements
error: Content is protected !!
%d bloggers like this: