Advertisements

GAME SHOW BO FAKTURA PIDI’E …… DUN’E : Kiko ta un faktura korekto:

 

Kiko ta un faktura korekto:

Riba un faktura korekto tin por lo ménos e siguiente informashonnan basá riba artíkulo 44, insiso 1 di “Algemene Landsverordening Landsbelastingen”:

  1. Nòmber di e negoshi;
  2. Adrès di e negoshi;
  3. “Crib nummer” di e negoshi;
  4. E fecha di benta;
  5. Deskripshon di e produktonan bendé òf e servisionan brindá;
  6. E kantidat di e produktonan bendé òf servisio brindá;
  7. E “Omzetbelasting” ku e kliente tin ku paga;
  8. E suma total di e faktura.
  9. Numerashon di e faktura mester ta sigui otro
  10. E logo di bo faktura pidié… dun’é!

Kiko ta balor di un faktura korekto:

Pa e komersiante

  1. e faktura ta e base prinsipal pa registrashon di su benta.
  2. un faktura korekto ta importante pa kompilashon di e gastunan ku e por dedusí di su benta pa por kalkulá su ganashi.

Pa e konsumidó

  1. den hopi kaso e faktura por wòrdu uzá pa dedusí di su entrada pa Inkomstenbelasting.
  2. e konsumidópor uza e faktura tambe pa kontrolá si e no ta pagando pa kosnan ku e no a kumpra.
  3.  e konsumidó ku ta kumpra konsiente ta uza e faktura pa kompará e preisnan ku preisnan di otro negoshi i komo garantia.

Advertisements
error: Content is protected !!
%d bloggers like this: