Advertisements

E liña krusero Holland America Line (HAL) lo estrena de ‘Nieuw Statendam’: HAL ta hasi uso di registro marítimo na Kadaster Kòrsou na momento di entrega di nan barkunan krusero.

E liña krusero Holland America Line (HAL) lo estrena de ‘Nieuw Statendam’:

HAL ta hasi uso di registro marítimo na Kadaster Kòrsou na momento di entrega di nan barkunan krusero.


Willemstad – Outoridat Marítimo di Kòrsou ta registrá, sertifiká i inspektá barkunan ku ta operá riba nivel internashonal i ta kontrolá aktividatnan marítimo den nos awanan. E liña krusero ku nòmber di “De Holland America Line” (HAL) ta hasi uso di registrashon di Kòrsou esaki debí na e bon relashon i eksperiensha ku nan tin ku Outoridat Marítimo di Kòrsou.

E tarea di Outoridat Marítimo di Kòrsou ta kuminsá na momentu ku e barku wòrdu entrega dor di e astiero Italiano, kaminda e barku a wòrdu konstruí. 

Dia 30 di Novèmber último, despues ku e barku a wòrdu entrega, e barku a wòrdu inskribí inmediatamente den e registro marítimo na Kadaster. Ku e akshon aki , ‘Nieuw Statendam’ lo bai karga nos bandera. 

Riba e mesun dia ‘Nieuw Statendam’ a pasa via nos “rompbevrachtigingsregister” ku ta nifiká registrashon sin tripulashon (bareboat out) pa e bandera di e pais di e doño, ku den e kaso aki ta Hulanda.

Esaki ta kontribuí ku e sektor finansiero i tambe ku kupo di trabou pa tantu MAC, Kadaster pero tambe pa entidatnan ku ta forma henter e kadena marítimo, manera notario i representante lokal. 

‘Nieuw Statendam’ lo bishita Kòrsou dia 26 di yanüari próksimo i tin un kapasidat di karga 2,650 pasahero i su tonelada brutu ta di 99.500. 

Pa mas informashon tokante MAC, por bishita nan website http://www.maritimecuracao.org . Pa pregunta por yama òf whats app na 511-8582.

Pa tur informashon i desaroyo di Ministerio di Tráfiko, Transporte i Planifikashon Urbano (VVRP) por bishita e website na www.vvrp.cw, facebook página MinisterieVVRP i instagram MinisterieVVRP.

Advertisements
error: Content is protected !!
%d bloggers like this: