Advertisements

Karta na Presidente di Parlamento relashona ku kambionan ku mester tuma luga den Reglamentu di Orden

Willemstad, 3 desèmber 2018

 

Na: Presidente di Parlamento
Sr. W. Millerson
Wilhelminaplein # 4
PRESENTE

Tópiko: Kambionan proponé pa ya pa algun aña kaba na Reglamento di Ordu Nobo.

 

Sr. Presidente,

 

Frakshon di Movementu Futuro Kòrsou (MFK) ta aserka bo persona ku lo siguiente;

Nos Frakshon a tuma nota ku tin un konsepto Reglamentu di Ordu ku kambionan kla pa wòrdu trata ya pa basta aña kaba. E kambionan aki a wòrdu trata dor di Komishon di Prosedimentu di Parlamento konforme artíkulo 49 di Reglamento di Ordu.

Den e temporada ei e komishon a keda kla ku su trabounan ku e kambionan ku a keda proponé pa e Reglamentu di Ordu i mester a bai un reunion di Komishon Sentral pero di un manera òf otro esaki te awe no a sosodé.

P’esei nos ke hasi uso di e oportunidat aki pa trese esaki na bo konosementu pa asina por prosedé pa trata e konsepto di kambionan propon’é, di moda ku esaki por sigui su trayekto pa aprobashon den Parlamento.

Tabatin Frakshonnan den Parlamento ku tambe a manda nan puntonan por eskrito pa kambionan proponé den e Reglamento di Ordu. Frakshon di MFK tambe a manda proposishon pa e komishon. Nos frakshon kier mira e deseonan di frakshonnan wòrdu inkorporá den e kambionan relashoná ku Reglamento di Ordu.

Frakshon di MFK ta keda en espera di un kontesta, pa nos por sa ki dia tur kambionan proponé ta subi agènda pa wòrdu trata den Komishon Sentral.

Atentamente,

Gilmar “Pik” Pisas

Na nòmber di Gerrit Schotte

Lider Polítiko di MFK (Prezu Polítiko)

Advertisements
error: Content is protected !!
%d bloggers like this: