Advertisements

Notario i Makelarnan ta haña but – Notaris en Makelaars beboet

Notario i Makelarnan ta haña but

FIU i OM ta aktua kontra di no kumplimentu ku regla di compliance

 

Makelar i notarionan ta obliga pa hasi investigashon di kliente i meldu transakshon no-usual na FIU (Financial Intelligence Unit). Si nan no hasi esaki, nan ta hasi nan mes kulpabel na un krimen. FIU ta supervisá i perkurá pa nan kumpli ku e reglanan aki. FIU a hasi un investigashon serka diferente makelar i notario i a bin konstata diferente  diskrepancia. FIU a hasi denunsia na Ministerio Públiko di esaki i Ministerio Públiko a ofrese e sospechosonan den e kaso aki un kombersashon di transakshon. E kombersashon nan aki a resulta den butnan ku ta varia entre Nafl. 12.000,- i Nafl. 15.000,-. E transakshon nan aki ta resultado di e projekto pa ‘esnan ku no ta mèldu’ ku a kuminsa na mart 2017.

Denunsianan di FIU ta mustra ku esnan ku mester mèldu no a kontrola sufisiente di unda e plaka di e klientenan a bini, e asina yamá ‘source of funds’. Si durante un investigashon asina sali na kla ku tin e posibilidat ku ta trata di labamentu di plaka, mester mèldu esaki na FIU. Tin diferente indikashon ora un investigashon di kliente no ta wordu hasi korektamente. Un ehèmpel ta ku no ta tur biaha tabatin  kopia di identifikashon bálido den nan atministrashon. E dunadonan di servisio ku a haña but a priminti ku nan lo ta bai ta mas kouteloso i sigui instrukshon di FIU di un manera mas miho.

No ta solamente makelar i notario ta dunadonan di servisio ku tin e deber di mèldu, otronan ta por ehèmpel hoyeria, bendedonan di outo i kompanianan di wega di plaka online. Pa kombati labamentu di plaka, e kompania i dunado di servisio nan aki ta indespensabel i ta importante ku nan ta kumpli ku tur nan debernan legal.

Si e organisashon nan ariba menshoná no hasi investigashon di kliente, keda sin mèldu transakshonnan no-usual of tarda pa hasi esaki, lo por resulta den kasonan di korupshon i kompetensha falsu. Di e manera aki tambe nan por fasilitá labadonan di plaka e possibilidat pa laba nan plaka obtene via e sirkuito kriminal. Violashon di regulashon di compliance ta wordu kalifiká komo un krimen, i ta karga un kastigu di prizon di un maksimo di kuater aña. Pa mantenshon di e regulashon OM i FIU ta aktua huntu.

Pa mas informashon kon por mèldu na FIU por bai riba nan website http://www.fiucuracao.cw

 

===================

 

Notaris en Makelaars beboet
FIU en OM treden op tegen niet naleven compliance regelgeving

Makelaars en notarissen zijn verplicht cliëntenonderzoek te doen en ongebruikelijke transacties te melden aan de FIU (Financial Intelligence Unit, voorheen het MOT). Doen zij dat opzettelijk niet, dan maken zij zich schuldig aan een misdrijf. De FIU houdt toezicht op de naleving van deze regels. De FIU heeft onderzoek gedaan bij verschillende makelaars en notarissen en constateerde zij diverse tekortkomingen. Hierop heeft de FIU aangiften gedaan bij het Openbaar Ministerie. Het Openbaar Ministerie heeft de verdachten in deze zaken een transactiegesprek aangeboden ; deze gesprekken hebben geleid tot boetes tussen de NAf. 12.000 en NAf 15.000. Deze transacties zijn een resultaat van het ‘niet melders project’ dat is gestart in maart 2017.

De aangiften van de FIU tonen volgens het OM  aan dat de onderzochte meldplichtigen niet voldoende in de gaten hielden waar het geld van hun klanten vandaan kwam; ze deden geen ‘source of funds’ onderzoek. Als een dergelijk onderzoek een aanwijzing in zich heeft dat er sprake is van witwassen dan moet dat gemeld worden aan de FIU. De cliëntenonderzoeken die door de FIU zijn getoetst bleken op meerdere vlakken niet goed te zijn uitgevoerd. Een voorbeeld daarvan is dat  er niet altijd een kopie van een identificatiebewijs aanwezig was in de administratie. De beboete meldpichtige dienstverleners hebben beterschap beloofd door onder andere nauwgezet de aanbevelingen van de FIU op te volgen.

Naast de financiële sector zijn makelaars en notarissen enkelen van de meldplichtige dienstverleners. Anderen zijn bijvoorbeeld juweliers, autohandelaren en online gambling bedrijven.  Deze meldplichtige dienstverleners zijn, evenals financiele dienstverleners, onmisbaar in de aanpak van witwassen en daarom is het van belang dat ook zij hun wettelijke verplichtingen nakomen.

Indien instellingen verzuimen cliëntenonderzoek te doen, ongebruikelijke transacties te melden of wanneer zij dit te laat doen, dan werkt dit ondermijnend en concurrentievervalsend. Tevens kunnen zij hierdoor witwassers van crimineel geld faciliteren. Het opzettelijk overtreden van deze compliance regelgeving is door de wetgever als een misdrijf gekwalificeerd, waar een gevangenisstraf van maximaal 4 jaar op staat.  Bij het handhaven van deze regelgeving treden het OM en de FIU gezamenlijk op.

Meer informatie over het melden bij de FIU kunt u vinden op http://www.fiucuracao.cw.

 

Advertisements
error: Content is protected !!
%d bloggers like this: