Advertisements

Movementu Futuro Kòrsou ta kombibí ku tur habitante di Kòrsou ku tin un desabilidat, riba dia internashonal di desabilidat

Kòrsou, 3 di desèmber 2018

Movementu Futuro Kòrsou ta kombibí ku tur habitante di Kòrsou ku tin un desabilidat, riba dia internashonal di desabilidat

Na aña 1992 a proklamá dia 3 di desèmber, komo dia internashonal di personanan ku desabilidat, meta di e dia aki ta pa promové e derechi i bienestar di personanan ku un desabilidat.

Desabilidat ta un kondishon físiko i/òf mental ku ta afektá bida di un ser humano, pa por hiba un bida igual ku un persona sin deskapasidat. Personanan ku desabilidat ta un minoria na mundu i nan ta esnan ku tin ménos oportunidat ekonómiko i tambe akseso na edukashon i mayoria di biaha e personanan aki ta biba den pobresa.

E ariba menshoná hopi biaha ta originá pa falta di diferente servisio ku por fasilitá nan bida i debí ku nan tin ménos rekurso pa defendé nan derechi den un sosiedat.

Ta p’esei awe riba dia internashonal di personanan desabilitá, MFK i su lider Gerrit Schotte ta boga pa pueblo di Kòrsou ta mas konsiente riba e situashon di personanan desabilitá den tur aspekto di nan bida i pa huntu nos krea e loke nan tin mester pa hiba un bida sin tantu trastorno i limitashon.

Ban empoderá personanan ku desabilidat i asina sigurá mas partisipashon i igualdat pa esakinan den nos komunidat.

Direktiva di MFK

Advertisements
error: Content is protected !!
%d bloggers like this: