Advertisements

Kontentu di tabata por tei presente pa selebrá e okashon huntu ku tur presente i ku mi por a hiba algun palabra na sr. Ronald “Ronnie” Capriles Martina

Un tremendo anochi na Kabinet van de Gevolmachtigde Minister van Curaçao – Curaçaohuis (Kas di Kòrsou) ku presentashon, músika, arte, deklamashon den kompania di nos hendenan na Hulanda i dunando un bon YDK sr. Ronald Capriles Martina e elogio, e ‘Danki di Brons’ ku e meresé.

Kontentu di tabata por tei presente pa selebrá e okashon huntu ku tur presente i ku mi por a hiba algun palabra na “Ronnie”:

“Mi no por pretendé ku mi konosé Ronnie Capriles Martina bon. E tabatin un karera promé mi por a soña papia i tabata un figura importante den Kas di Antias tempu ainda ami tabata un chikitin. Pero mi sa ku nos tin 3 kos en komun:

  1. nos tur dos ta orguyoso di ta YDK,
  2. nos tur dos ta orguyoso Jaycee (JCI),
  3. nos tur dos a nanse riba dia 4 di febrüari!

Mi sa ku e ta un persona ku un pèn skèrpi i un lenga skèrpi ku e ta hasi uso di dje ora ta trata relashonnan den Reino, pa ku asuntunan di Kòrsou, pero sigur tambe di Hulanda.

Ronnie ta un persona hopi kerí ku ta apresia su mes, ken e ta, kiko e por kontribuí i tin un perspektiva progresivo ku nos por siña di dje.

Un aplouso ku alma i kurason pa nos Ronnie Capriles!
I Un danki grandi tambe na Nelson Carilho ku e bunita premio i e tremendo anochi aki.”

Den palabranan di Ronnie: Nelson Carilho tabata un persona ku tabatei huntu ku Ronchi for di komienso di Fundashon SPLIKA 28 aña pasá, semper loyal, entusiasmá i amabel.

All-in-all un anochi hopi agradabel huntu ku nos diáspora na tera friu, demonstrando un bes mas, ku no maske unda na mundu nos hendenan YDK topa, ta bon ambiente tin! Mi ta kontentu di por a forma parti di e anochi speshal aki, un danki di kurason na un i tur.

Advertisements
error: Content is protected !!
%d bloggers like this: