Advertisements

KOMUNIKADO DI KUERPO POLISIAL KÒRSOU Kaso di hinkamentu.

KOMUNIKADO DI KUERPO POLISIAL KÒRSOU

493/ 2018

1 desèmber 2018

Kaso di hinkamentu.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 30 di novèmber 2018 alrededor di 21.17’or, Sentral di Polis a dirigí un unidat di Barber pa Soto na altura di un minimarket, pa un kaso di hinkamentu serio.
Na yegada di e unidat, nan a bin topa un hòmber drumi riba un banki na un parada di bus, ku diferente hinka serio na e parti dilanti i patras di su kurpa.
E víktima, e hòmber G.D. tabata sangra bastante i ambulans ku a yega na e sitio a transporte den un situashon delikado pa poliklínika.
Na e sitio, polis a konfiská un kuchú na sanger, ku kua e agresor lo a propiná su víktima e hinkánan.
Investigashon den e kaso aki ta kontinuá.

 

Advertisements
error: Content is protected !!
%d bloggers like this: