Advertisements

KOMUNIKADO DI KUERPO POLISIAL KÒRSOU Dos morto den tráfiko. (potret)

KOMUNIKADO DI KUERPO POLISIAL KÒRSOU

494/ 2018

2 desèmber 2018

Dos morto den tráfiko.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 2 di desèmber alrededor di 06.21’or, Sentral di Polis a risibí informashon di un
aksidente di tráfiko grave ku a tuma lugá riba Weg naar Westpunt na altura di Daniel.
Na yegada di e promé unidat, el a bin topa dos vehíkulo (outo di famia) ku a dal frontal
kontra di otro i di kua ámbos shofùr tabata den un situashon hopi kritiko.
Na yegada di personal di ambulans, esaki a konstatá ku e víktimanan no tabata duna señal
di bida.

Dòkter di polis ku a yega na e sitio a konstatá morto di e damanan shofùr,

Coraline Rosan Augusta Fraay-Soemanta, nase na Kòrsou dia 5 di mei 1961

i

Aydeline Ster, nase naKòrsou 19 di yüli 1986.

For di investigashon preliminar a resultá ku shofùr di e vehíkulo ku tabata bai den
direkshon di Banda Bou a bai pasa un vehíkulo ku tabata kore su dilanti i bai dal frontal
kontra e otro vehíkulo ku tabata bini for di direkshon kontrario.
A konsekuensia di e múltiple heridanan ku ámbos shofùr a sufri, nan a bin fayesé na e sitio
di aksidente.
Personal di tráfiko ta kontinuá ku e investigashon.

.

.

Advertisements
error: Content is protected !!
%d bloggers like this: