Advertisements

Stichting Belastingaccountantsbureau: BO FAKTURA !!!!

Partisipando den e kampaña aki e komersiante tin tres bentaha:

  1. E tambe ta kontribuí pa baha e tarifanan di impuesto direkto;
  2. I ta haña promoshon al instante

E úniko kosnan ku e komersiante mester hasi ta:

Þ bira ko-spònser di e gameshow;

Þ entregá e konsumidó su faktura ora e kumpra kos òf hasi uso di un servisio.

Balides di faktura

Ora un faktura keda saká for di e tómbola, esaki ta keda kontrolá pa un pènel di persona independiente pa wak si tur dato ta kompleto i despues e ganadó ta keda anunsiá. E faktura mester ta kore durante e periodo di e show. Por ehempel pa e show di dia 20, fakturanan di 17,18,19 i 20 ta bálido.

Pa por partisipá na e gameshow, e faktura mester ta unu original. Pues no ta aseptá kopia.

No lubidá, banda di e chèns di gana premionan fabuloso, tambe bo ta kontribuí pa baha e tarifa di “Inkomstenbelasting” di moda ku fin di luna bo ta sobra mas sèn den bo saku.

Sea un siudadano ehemplar!

 Pidi bo faktura korekto i yuda konstruí bo País… Nos País Kòrsou!

Nota: No ta konsehabel pa partisipá ku fakturanan ku mester ser uzá komo garantia o esnan ku por ser uzá pa dedusí impuesto (“aftrekpost”).

Gobièrnu, den su akuerdo di gobernashon, kier baha tarifanan di impuestonan direkto manera “Inkomstenbelasting” i “Winstbelasting” sin subi e tarifanan di impuesto indirekto manera “Omzetbelasting” i “Invoerrechten & Accijns” muchu. Un forma pa yuda yega na esaki ta via e introdukshon di prenternan seyá pa Gobièrnu pa registrá benta. Pa por logra esaki tur siudadano mester tuma nan faktura korekto. Abase di esaki Gobièrnu di  Kòrsou ta introdusí for di 4 di aprel 2011 un insentiva pa stimulá tur komersiante i kliente pa duna i tuma un faktura korekto antisipando riba e proyekto di prenternan seyá pa Gobièrnu.

Kiko ta un faktura korekto:

Riba un faktura korekto tin por lo ménos e siguiente informashonnan basá riba artíkulo 44, insiso 1 di “Algemene Landsverordening Landsbelastingen”:

  1. Nòmber di e negoshi;
  2. Adrès di e negoshi;
  3. “Crib nummer” di e negoshi;
  4. E fecha di benta;
  5. Deskripshon di e produktonan bendé òf e servisionan brindá;
  6. E kantidat di e produktonan bendé òf servisio brindá;
  7. E “Omzetbelasting” ku e kliente tin ku paga;
  8. E suma total di e faktura.
  9. Numerashon di e faktura mester ta sigui otro
  10. E logo di bo faktura pidié… dun’é!

Kiko ta balor di un faktura korekto:

Pa e komersiante

  1. e faktura ta e base prinsipal pa registrashon di su benta.
  2. un faktura korekto ta importante pa kompilashon di e gastunan ku e por dedusí di su benta pa por kalkulá su ganashi.

Pa e konsumidó

  1. den hopi kaso e faktura por wòrdu uzá pa dedusí di su entrada pa Inkomstenbelasting.
  2. e konsumidópor uza e faktura tambe pa kontrolá si e no ta pagando pa kosnan ku e no a kumpra.
  3. 3. e konsumidó ku ta kumpra konsiente ta uza e faktura pa kompará e preisnan ku preisnan di otro negoshi i komo garantia.

E inisiativa

Tur siudadano ku tuma nan faktura korekto por yena nan nòmber, adrès, number di telefòn i number di sédula patras di e faktura i tira esaki den buzonnan ku e seyo di SBAB ku chèns pa gana premionan fabuloso manera stof, frishidèr, sèn kèsh i asta un outo den e tremendo kampaña Bofaktura…Pidié!…Dun’é!

Meta di e kampaña ‘Bo faktura…Pidié!…Dun’é!

Kòrsou tin 18.000 empresa i na otro banda SBAB tin 60 empleado den e departamento di kòntròl.

Si kada empleado hasi 20 kontròl pa aña en total SBAB lo por kontrolá maksimalmente 1200 empresa pa aña. Pues SBAB lo por kontrolá un empresa kada 15 aña.

Komo un siudadano ehemplar bo por yuda SBAB imensamente, den su ròl di kontrolá, si bo eksigí bo faktura ora bo kumpra kos. Pesey ta importante pa bo pidi bo faktura i asina tambe partisipá den e kampaña di ‘Bo faktura…Pidié!…Dun’é!

Reglanan di e wega

▾ E empresanan ta wòrdu repartí den 5 kategoria i koló:

  1. Empresanan grandi i tur sobrá manera supermarket, abogado, pòmp di gasolin, kantornan di akountent i tur sobrá servisio i negoshi, kontratista, karpinteria, “wholesalers”, establisimentunan ku ta bende hardware i agensianan di outo.
  2. Kapsalòn y barberia, mètsla, karpinté, lotgiter, limpiadó di kurá, drechadó di èrko i garashi ku ta drecha outo (pero ku no ta bende outo).
  3. Retail; tienda di paña, joya, sapatu i botika.
  4. Toko, minimarket, snèk, trùk di pan i restorant.
  5. Kantornan di number.

▾ Pa kada kategoria lo saka 3 partisipante pa un total di 15. Un persona por tira su faktura te ku 9or dia e show mes of anteriormente na e 4 puntonan di buzon kual ta Post Paseata, Landsloterij, Pompstation Tera Korá i na SBAB mes.

▾ Ora e partisipante wòrdu saká for di e buzon, e ta ser yamá pa  e por drai e wil. Si e no ta presente, su faktura ta bai bèk den e buzon i e tin chèns  pa wòrdu saká di nobo dia 20 pa e show di dia 27 di dèsember.

▾ Tur faktura ku no keda saká ta bai partisipá pa dia 27.  Riba e dia aki e partisipante por partisipá den 1 kategoria so.

▾ Durante di e penúltimo show, pues dia 20,  lo saka  e 15partisipantenan pa partisipá di forma inmediato i 15 adishonal pa dia 27. Pues e buzon di dia 20 ta kontene tur faktura ku a keda depositá te ku e dia ei.

▾ Pa e show di dia 27 un total di 30 persona pues lo por drai e wil (15 di e periodo 20– 27 dèsember i 15 adishonal di e periodo 30 novèmber te ku 20 desèmber).

▾ Pa e show di dia 3, pues e promé show,  ta konta ku e prome 100 personanan ku tira nan faktura na Wilhelminaplein promé ku e show kuminsa (pues te ku 9or), lo saka adishonal 5 partisipante mas. Pues pa dia 3, 20 partisipante por drai e wil.

 

E premio mayó di dia 27 di  dèsember lo tin un balor máksimo di Nafl. 12.500,-

Stichting Belastingaccountantsbureau

Regentesselaan z/n

Phone: (5999) 734– 2415

Fax: (5999) 734– 2703

E-mail: bofaktura@stichtingbab.com

Advertisements
error: Content is protected !!
%d bloggers like this: