Advertisements

Proyekto “Bo Kabei ta Bo Beyesa” di SOAW ta un éksito

Proyekto “Bo Kabei ta Bo Beyesa” di SOAW ta un éksito

Willemstad – Ministerio di Desaroyo Sosial, Labor i Bienestar ta tuma e timon pa, huntu ku tur
siudadano, kompanianan i institutonan, stimulá desaroyo sosial i bienestar di habitantenan di pais
Kòrsou.
Un di e enfokenan di Ministerio di Desaroyo Sosial, Labor i Bienestar ta pa stimulá partisipashon i
inklushon sosial bou di su klientenan i ku e guia i sosten nesesario, fasilitá akseso na merkado laboral
di e grupo di enfoke aki. Pa logra esaki, Sektor di Desaroyo Sosial ta ehekutá programanan di re
edukashon i formashon, proyekto- i trayektonan di siña i traha pareu, kaminda e kliente ta siña un
fishi. Di e manera aki Sektor di Desaroyo Sosial ta yuda klientenan pa para riba nan mes pia i bira
ekonómikamente independiente. E trayekto “Bo Kabei ta Bo Beyesa” a kuminsá for di 2017 i ta un di e
medionan ku Ministerio di Desaroyo Sosial, Labor i Bienestar ta hasi uso di dje pa duna e kliente e
hèrmèntnan nesesario pa di e forma aki e tin mas posibilidat pa haña un puesto riba merkado laboral
òf pa bira empresario chikí.
Dia 9 di novèmber e trayekto “Bo kabei ta bo beyesa” a finalisá. 20 kliente a kuminsá i 12 a terminá e
trayekto ku éksito. Ku e trayekto aki a pone énfasis riba e abilidatnan básiko pa ehersé e fishi di
“pelukera”. A siña e hóbennan aki, entre otro higiene general, kon pa risibí kliente, straight/relax
kabei, laba, pinta, lora/feun, kòrta i curly kabei. E enfoke tabata pa e hóbennan aki siña e fishi aki i
asina haña trabou na un salòn di kabei òf lanta un empresa chikí.

 

Advertisements
error: Content is protected !!
%d bloggers like this: