Advertisements

Djarason awor lo terminá trabounan riba Caracasbaaiweg

Djarason awor lo terminá trabounan riba Caracasbaaiweg

Willemstad –  Djarason 5 desèmber 2018 lo finalisá e último parti di Caracasbaaiweg ku a keda pará pa sierto inkumbinensha.  Manera ta konosí algun siman pasa Servisio pa Obra Publiko (OW) huntu ku e kontratista CWM a realisá trabounan di mantenshon na Caracasbaaiweg. Trabounan a tuma lugá den oranan di anochi i den un periodo relativamente kòrtiko.

Nèt e dia ku mester a finalisá e trabounan a surgi un inkumbinensha na momento ku un pipa di awa a kibra kousa bastante pèrdida di awa. Esaki a pone ku no por a finalisá e trabounan na e sitio enkuestion  riba e dia indiká.

Entretantu Aqualectra a atendé e situashon i djarason awor, 5 di desember 2018, den dia e kontratista CWM lo finalisá e último fase di e trabounan riba Caracasbaaiweg. E trabounan ta tuma lugá den oranan di mainta.

OW ta pidi outomobilistanan pa tene kuenta ku e situashon i sigui posibel indikashonnan ku bòrchinan.

Pa mas informashon  por yama òf whats app na number di telefon +5999 511-8582. Tambe por bishita e paginá di facebook Ministerie VVRP òf e website www.vvrp.cw/proyekto

Advertisements
error: Content is protected !!
%d bloggers like this: