Advertisements

ANOCHI KU LUNA YEN NA HÒFI KULTURAL

ANOCHI KU LUNA YEN NA HÒFI KULTURAL

 

Kralendijk – SKAL ta kontinuá ku aktividatnan segun su kalènder kultural. Anochi ku Luna Yen, un inisiativa ku a nase den pasado for di algun siudadano ku gran pashon pa nos idioma papiamentu.

SKAL ta keda pone énfasis ku meta prinsipal di e evento pa stimulá otro pa skirbi, deklamá, konta storia, kanta òf presentá obranan kòrtiku na papiamentu.

No neglishá bo kapasidat i bin demostrá ku bo por. Nos ta apresiá i respetá tur obra, ku eksepshon di palabranan bulgar, polítika, problemanan personal i tur loke ku no ta kuadra ku nos aktividat.

Manera semper, ta keda liber na kada bishitante pa trese algu di boka dushi pa kompartí ku otro bishitante nan i un súplika pa tur hende bini ku nan propio stul.

Anochi ku Luna Yen ta keda un evento sosial di pueblo i pa pueblo, pues un i tur kòrdialmente bonbiní.  

Anochi ku Luna Yen e biaha aki ta na Hòfi Kultural na Antriol Pabou,  Kaya Sábalo #18.

E fecha ta djabièrnè 23 di novèmber 2018 na e orario di kustumber kual ta 7or pa 9or anochi.

 

          Tema prinsipal ta     “ Bo ke sa, Mi ke sa, Konta mi “.  

                                          “ Sinterklaas, Pasku di nasementu i Fin di aña. “

 

Tin transporte grátis ku ta sali 6or atardi for di SKAL, bai Rincon i djei sigui pa Hòfi Kultural. Un súplika na tur esnan ku mester di transporte pa hasi reservashon na tempu na SKAL.          

Pa mas informashon por tuma por tuma kontakto ku kolaboradónan:

Yùfrou Yoi Helmeyer- Marsera; +599 9 516 6560

Magali Sumter;  + 599 9 565 0947

Ubaldo Anthony; + 599 717 4935

Orlando Francisca  – + 599 786 2131 òf + 599 7962131

Nochi Coffie; + 599 785 6388

SKAL + 599 717 8868

Advertisements
error: Content is protected !!
%d bloggers like this: