Advertisements

NOS SELEKSHON NASHONAL LO ENFRENTÁ GUADELOUPE DIA 19 DI NOVÈMBER DEN STADION ERGILIO HATO! NOS HUNGADÓNAN TA PIDI PA PUEBLO DI KÒRSOU BIN APOYANAN!

NOS SELEKSHON NASHONAL LO ENFRENTÁ GUADELOUPE

DIA 19 DI NOVÈMBER DEN STADION ERGILIO HATO!

NOS HUNGADÓNAN TA PIDI PA PUEBLO DI KÒRSOU BIN APOYANAN!

 

Tur kos ta práktikamente kla pa nos selekshon nashonal enfrentá Guadeloupe djaluna 19 di novèmber próksimo, durante nos terser partido di e promé buèlta di Nations League organisá pa CONCACAF.

E partido aki manera ya ta konosí, lo tuma lugá den Stadion Ergilio Hato pa 8’or di anochi.

Despues di un eksitoso ‘meet & greet’ durante Punda Vibes ayera, nos selekshon su práktikanan ta sigui den ful swing i preparashonnan ta kontinuá pa e kompromiso importante aki! Nos selekshon ta dunanado tur ku tin pa saka kara di Kòrsou un biaha mas i ta p’esei nan mester di e apoyo di hinter pueblo pa logra esaki!

Karchinan ta bayendo duru i nos ke pa pueblo kompletu tei na e gran enkuentro aki!

Ta p’esei FFK ke brinda un i tur e oportunidat pa kumpra nan karchi, suèter i shal pa apoyá nos selekshon. Djasabra, 17 di novèmber, FFK lo ta habrí di 10’or di mainta pa 4’or di atardi pa asina bo por hasi bo kompra. Mas anochi tambe por kumpra karchi na e lokètnan di SUBT.

Djadumingu, 18 di novèmber lo tin benta di karchi na e lokètnan di SUBT un biaha mas durante e enkuentronan di Liga MCB di e wikènt aki. Pues probechá di e wikènt aki i kumpra bo karchi,   suèter i shal pa bo ta e di 12 hungadó 19 di novèmber próksimo!

Tambe tin karchi disponibel na Botika Mampuritu, Beep Beep, 4th of July snèk na Barber, pòmp di gasolin Santa Maria, serka Sport Spot Boutique & More na Santa Maria pegá ku trùk di pan Komelon i na Restorant Trafasie pegá ku Don Bartolo.

E preisnan pa e diferente sekshonnan ta lo siguiente:

  • SEKSHON A: VIP ta kosta Fl.150,-  (inkluso konsumo)
  • SEKSHON B: Bou di tribunanan kubrí ta kosta Fl.50,-
  • SEKSHON C: Tribunanan no kubrí ta kosta Fl.30,-
  • SEKSHON D: Mucha te ku 12 aña ku 60+ ta paga Fl.10,- den sekshon general

 

E suèternan di e kolekshon nobo di nos selekshon nashonal ta kabando! A sobra masha poko pues pasa lihé buska di bo, na balor di Fl.75,-. Tambe nos a sobra e famoso shalnan di nos selekshon na balor di Fl.25,-. Ámbos optenibel na FFK bou di ora di ofisina.

Nos muchanan ta pidi pa pueblo di Kòrsou kompletu pa sali kas i ban yena stadion rant rant! Nan mester di bo sosten komo e di 12 hungadó!

16 novèmber 2018

Advertisements
error: Content is protected !!
%d bloggers like this: