Advertisements

KÒRSOU VS GUADELOUPE, 19 DI NOVÈMBER DEN SDK! BIN SERA KONOSÍ KU NOS HUNGADÓNAN DJAWEPS 15 DI NOVÈMBER 7-9 PM DURANTE PUNDA VIBES!

KÒRSOU VS GUADELOUPE, 19 DI NOVÈMBER DEN SDK!

BIN SERA KONOSÍ KU NOS HUNGADÓNAN DJAWEPS 15 DI NOVÈMBER

7-9 PM DURANTE PUNDA VIBES!

 

Manera ya ta konosí, awe den oranan di anochi nos selekshon ta tin su promé seshon di training en konekshon ku e gran partido kontra Guadeloupe djaluna 19 di novèmber binidero den Stadion Ergilio Hato pa 8’or di anochi.

E training aki a kana hopi bon i despues di awe nos selekshon lo tin algun seshon di training mas pa duna tur ku tin durante nos terser partido válido pa Nations League.

 

Skema di training di nos selekshon:

 

Fecha Orario Stadion
15-11-2018 16:30-18:00 SDK
16-11-2018 10:00-12:00 SDK
17-11-2018 20:00-21:30 SDK


*Tene na kuenta ku tin kambio riba e skema pa ku e training di mañan, 15 di novèmber!

 

Manera ya nos a bin ta anunsiá, mañan, djaweps 15 di novèmber, pueblo di Kòrsou por sera konosí un tiki mas di aserka ku tur nos hungadónan i e staf kompletu durante un ‘meet & greet’ ku lo tin durante e magno evento ‘Punda Vibes’ ku lo tuma lugá na Gomez Plein.

E programashon ta kuminsá 7’or di anochi ku diferente aktividat pa mucha i hende grandi ku chèns di gana diferente premio atraktivo di e pakusnan den Punda i karchi pa e partido kontra Guadeloupe.

Lo tin kompetensianan di futbòl, benta di karchi na preisnan redusí (spar fl.20 den sekshon B òf spar fl.10 den sekshon C), benta di e shirt ku shal di nos selekshon, bon músika, bouncer ku ‘kids corner’ i hopi mas!

Pa mitar di 8 lo tin un rueda di prensa ku mas informashon di e wega di djaluna i 8’or nos selekshon lo yega pa saka potrèt, parti firma i saludá tur ku tei presente.

Tambe lo tin oportunidat pa saka potret ku e trofeo di Caribbean Cup i risibí serbes grátis na kompra di kada karchi na preis redusí. Pa finalisá e evento lo tin un tremendo show di ‘vuurwerk’. Pues ta un anochi kargá ku premio, bon ambiente, bon músika, bon kuminda ku bibida i mas ku klaro nos orguyonan di Kòrsou, nos selekshon nashonal!

Invitashon ta bai na hinter pueblo di Kòrsou pa asistí na e gran evento aki!

 

Nos ta topa mañan anochi den Punda!

 

14 novèmber 2018

Advertisements
error: Content is protected !!
%d bloggers like this: