Advertisements

Zarah Lacruz ta konkistá e título di Mini Beauty International 2018

Zarah Lacruz ta konkistá e título di Mini Beauty International 2018

Willemstad – Zarah Lacruz ta  konkistá e título máksimo di Mini Beauty International 2018. E sertamen a tuma lugá djadomingu último den Atrium di Renaissance Hotel Curaçao.
‘Edukashon, Dibertishon i Beyesa’ tabata e enfoke prinsipal pa e kandidatanan ku tabata tin entre 6 i 10 aña di edat. Nan a wòrdu prepará pa dos luna largu pa siña kon pa huza nan beyesa infantil pa trese mensahenan positivo na nos muchanan di Kòrsou. E sertamen tabata tin komo tema African Voyage.
Ashley Sanchez a konkistá e puesto di promé finalista i Ayannah Meyer a resultá e di dos finalista.
International Beauty & Fashion Foundation (IBFF) ta hopi satisfecho ku e éksito di e evento i tin komo meta pa sigui huza e mundu di beyesa pa eduká nos muchanan i duna nan un base fuerte pa yega na máksimo di nan kapasidatnan. Nan ta gradisí pueblo di Kòrsou pa nan presensia i sosten i tambe ta hasi un yamada pa sigui sostené e tipo di eventonan aki. Un danki spesial di nan parti ta bai na tur spònsor ku a yuda hasi e evento posibel.
.
. .
.
Advertisements
error: Content is protected !!
%d bloggers like this: