Advertisements

Parlamentario Mc William ke mas klaridat relashoná ku e rapòrt kontra di dr Faries.

Parlamentario Mc William ke mas klaridat relashoná ku e rapòrt kontra di dr Faries.

Resientemente mi a tuma nota di un rapòrt ku a lèk den medionan di komunikashon. Un rapòrt ku tin solamente tres ehemplar kual unu ta na RvB di SEHOS, unu serka dr. Faries i unu na Inspekshon di Salubridat. Ku preokupashon hopi mi a tuma nota kaminda mayornan i pashèntnan di menor edat nan sekretonan médiko a wòrdu usa den un rapòrt dor di un verpleegkundige sin ningun klase di outorisashon di mayornan pa ku sekreto médiko di nan yunan.Mas aleu e mayornan tampoko a haña “inzage” riba e rapòrt aki despues ku e la wòrdu traha pa asina sigurá ku loke ta para den rapòrt aki ta kuadra ku realidat. Meskos ta konta pa e propio dr. Faries ku nunka a haña e oportunidat pa skuch’e (wederhoor).

E manera kon henter e  prosedura aki a kana ta kontra di hustisia i dignidat humano, ku Frakshon di MAN ta base di tur prosedura ora ta atendé ku hende.

 

Bibu den mi memoria ku dia mi persona a menshoná dr. Misset su nòmber den medionan di komunikashon despues ku sala di Operashon a buta trabou abou pa motibu nan konosí, mi a wòrdu katalogisá dor di Inspektor General komo “kriminal”!

Ta sorprendé mi ku awor ku a menshoná nòmber di e dr. Faries pero Inspektor General no a ripití e palabra aki den e kaso aki.

Frakshon di MAN ta para pa hustisia i dignidat humano. Mirando e desaroyo aki nos ta tuma nota ku a esunnan ku interesnan maligno a sòru pa lèk e rapòrt aki di pashèntnan (menor edat) ta kontra di dignidat humano di e muchanan aki, nan mayornan i dr. Faries. Falta di transparensia i outorisashon di mayornan pa usa informashon di nan yunan dor sin puntra nan outorisashon i hasta bai den nan dossier dor di otro spesialistanan sin pidi nan pèrmit. E spesialistanan profeshonalnan ku a forma parti di e tipo di prosedura no étiko aki ta algu di kondena i mester atendé ku nan. Pa e motibu aki ta sumamente importante pa bini ku “Patientenrechten” pa asina sierto dòkternan i spesialistanan i profeshonalnan den Salubridat stòp di hasi i deshasí pasombra esaki ya no ta akseptabel mas den e pais aki.

Mayornan korektamente a saka un karta i trese nan vershon korekto dilanti i kondena e tipo di práktikanan aki.Algu ku mi ta aploudí unda nos hendenan no ta keda ketu mas. E karta aki ta trese ainda mas pregunta riba e audit aki, kiko su meta real tabata. Mirando e desaroyo aki ku ta mishi ku esunnan mas vulnerabel ku nos muchanan komo Parlamentario mi ke haña mas klaridat riba e asuntu aki.

 

Den kuadro di esaki sr Mc William a hasi e siguiente pregunta nan minister di Minister di Salubridat Públiko, Medio Ambiente i Naturalesa:

  1. Ta bèrdat ku a traha e audit aki riba dr. Faries basa riba konklushonnan di un verpleegkundige i  un co assistent?
  2. Ta bèrdat ku despues ku esaki a keda konkluí dr. Faries no a haña e oportunidat pa “wederhoor”?
  3. Mayornan a haña oportunidat pa reakshoná riba e rapòrt ku a keda traha dor di e verpleegkundige aki?
  4. Ta bèrdat ku e resultado di audit ta “ter inzage” solamente na RvB di SEHOS, unu serka dr. Faries i unu serka Inspektor General?
  5. Kiko ta bai hasi e ku e karta di mayornan, mirando kon kontradiktorio esaki ta ku e resultado di e audit?

Advertisements
error: Content is protected !!
%d bloggers like this: