Advertisements

Minister Marilyn Alcalá-Wallé ta sera akuerdo ku Genesee Community College

Minister Marilyn Alcalá-Wallé ta sera akuerdo ku Genesee Community College

WILLEMSTAD – Resientemente Minister di Enseñansa, Siensia, Kultura i Deporte (ESKD), sra. drs. Marilyn Alcalá-Wallé a firma memorandum di entendimentu (MOU) ku Genesee Community College situá na New York. Esaki a sosodé den un ambiente ameno den presensia di sr. Skip Sherman; reklutadó atlétiko i tambe sra. Kamilla Kabel; konsehero di atmishon internashonal di Genesee Community College.
Firmamentu di e akuerdo ku Genesee Community College a tuma lugá den kuadro di e vishon di Gobièrnu pa garantisá estudionan di kalidat i krea oportunidat pa hóbennan studia den region i desaroyá nan mes sin krea debe atronómiko. Esaki ta enserá ku studiantenan lokal, por sigui ku nan estudio na un tarifa redusí na e instituto di kalidat. Segun e MOU aki, nos studiantenan ta risibí e posibilidat pa biba riba campus di e instituto i hasi uso di servisionan di konsumo na preis faborabel.
Ademas studiantenan di Kòrsou tambe tin e oportunidat pa apliká pa un scholarship si nan ta kumpli ku eksigensia di Genesee Community College.

E instituto ta rekonosé i ta ofresé 65 programa di estudio di nivel akadémiko riba tereno di: Business and Commerce, Information Technology, Creative Arts, Health and Physical Education, Health Care, Human Services, Law and Criminal Justice, Liberal Arts, Office Technology and Support, Science and Technology, Teaching and Education.

Komo ku tin studiante di diferente pais, Genesee Community College ta para pa Diversidat i Inklushon di studiantenan. Aktualmente tin studiante di 23 pais ku ta siguiendo nan estudio na Genesee Community College. Ya kaba tin diferente studiante di Kòrsou ku ta bishitá e instituto aki i awor pa medio di e akuerdo, ta spera mas studiante pronto.

Gobièrnu di Kòrsou ta sigui negoshá i krea oportunidat pa nos studiantenan por studia ku benefisio den region.

 

.

.

.

.

Advertisements
error: Content is protected !!
%d bloggers like this: