Advertisements

Training riba nivel internashonal pa inspektornan di Outoridat di Aviashon Sivil

Training riba nivel internashonal pa inspektornan di Outoridat di Aviashon Sivil

 

Willemstad – Di 5 pa 9 di novèmber último, inspektornan di Outoridat di Aviashon sivil di Kòrsou a sigui un training riba nivel internashonal riba 2 tópiko. E tópikonan tabata: “Root Cause Analysis” i “Report Writing Skills/Effective Communications”.

“Route Cause Analysis” ta sumamente importante pa identifiká e motibu real di susesonan i loke ta konstatá durante ouditorianan. Identifikashon di algu ku ta bai robes so no ta sufisiente. Mester determiná e motibu real, pues e “Root Cause” dikon algu a bai robes i hopi biaha por yega na determiná e orígen di e problema, pa asina por evitá e insidente di ripití i asina tambe prevení aksidente grave.

“Report Writing Skills/Effective Communications” ta nesesario pa e inspektornan por reportá por eskrito na un manera mas eksakto i efektivo posibel di loke nan konstatá.

E training aki ta pa sigui kualifiká i profeshonalisá e inspektornan mas profundo den nan konosementu. E rekonosibel International Air Transport Association (IATA) a  duna e training. Instruktor Sr. John Pottinger tin hopi eksperensia den e área aki. El a yega di duna inspektornan training kaba den pasado resien.

Durante di e training, inspektornan di CAA di Aruba i empleadonan den posishon di ‘Quality’ i ‘Safety’ di DC-ANSP tambe a partisipá.

Advertisements
error: Content is protected !!
%d bloggers like this: