Advertisements

PARLAMENTARIO PLET TA DI OPINION KU PARLAMENTO HUBENIL MESTER POR REUNI DEN SALA NAN DI PARLAMENTO DI KÒRSOU

PARLAMENTARIO PLET TA DI OPINION KU PARLAMENTO HUBENIL MESTER POR REUNI DEN SALA NAN DI PARLAMENTO DI KÒRSOU

 

Resientemente diferente miembro di frakshon di MAN a risibí un karta di Fundashon Bos di Hubentut ku ta esnan ku ta guia e proyekto di Hóben Goberná. Den e karta aki ta pidi pa yudansa di miembronan di parlamento pa asina miembronan di parlamento hubenil por reuní den sala di Parlamento.

Komo miembro di parlamento i èks miembro di parlamento hubenil nos ta di opinion ku parlamento hubenil mester por reuní den sala di parlamento di Kòrsou.

Komo polítiko i representante di pueblo nos mester por duna nos aporte di tur manera òf otro pa hóbennan ku ta organisá nan mes pa hasi algu positivo pa komunidat òf pa ku nan formashon personal.

No ta un sekreto públiko ku nos hóbennan no ta interesá den polítika òf desaroyonan lokal di nos pais òf di mundu kompleto. I si awor aki nos ta mira ku hóbennan ku ta interesá den esaki mester duna i krea tur e oportunidat pa desaroyá nan mes den e arena polítiko.

P’esei komo parlamentario nos ta manda un karta pa presidente di parlamento ku e petishon pa hasi máksimo esfuerso pa yega na un akuerdo kaminda nos hóbennan di Parlamento Hubenil por reuní den sala di parlamento di Kòrsou.

Advertisements
error: Content is protected !!
%d bloggers like this: