Advertisements

Gerrit Schotte – MFK: Komunikado – Despues di djárason awor nos lo sa kua ta e partidonan polítiko ku realmente ta duna nan apoyo na e diferente nashonalidatnan ku Kòrsou konosé pa mas di 300 aña den konbibensha

Gerrit Schotte – MFK: Komunikado – Despues di djárason awor nos lo sa kua ta e partidonan polítiko ku realmente ta duna nan apoyo na e diferente nashonalidatnan ku Kòrsou konosé pa mas di 300 aña den konbibensha

Djárason 14 di novèmber próksimo Parlamento ta bai trata kambio di Areglo di Estado pa asina por adaptá lei elektoral

abitantenan Merikano, di Líbanon, di Madeira, di India i di diferente otro pais ku tin un pèrmit di residensia permanente i ku ta biba aki pa mas ku 10 aña òf mas lo haña derechi pa vota

Nos dushi Kòrsou ta konosí pa e diversidat di personanan di diferente nashonalidat pa hopi siglo kaba aki na Kòrsou di por ehèmpel: India, Colombia, Lebanon, China, Santo Domingo, Haiti, Perú, Merka, Canada, Spaña, Portugal, Israel etc. etc., ku ta biba na Kòrsou i frakshon di MFK ta kere ku hopi di e personanan aki ku ya tin un pèrmit permanente na Kòrsou, mester por tin derechi pa despues di tantu aña biba na Kòrsou, trahando aki nan, kontribuyente den tur aspekto na nos komunidat i pais, ku nan mester por vota den elekshon aki na Kòrsou. Algu ku ampliamente ta deskribí komo un derecho universal di un siudadano unda ku e ta na mundu.

E kambio di Areglo di Estado, ku lo wòrdu trata dia 14 di novèmber próksimo, lo ta un kambio pa hasi posibel ku den e lei elektoral por trese e kambionan nesesario, kaminda ta duna residentenan ku un pèrmit di estadia permanente na Kòrsou, e derechi pa por partisipá na elekshon pa skohe miembronan di Parlamento.

Tin diferente di e personanan aki ku no solamente ta forma parti di nos sosiedat, pero tambe ya pa hopi dékada ta komersiantenan ku a bin ta invertí i krea kuponan di trabou pa nos yunan di Kòrsou, nos no mester lubidá esaki i hopi di nan pa e sentimentu di patriotismo pa e pais kaminda nan a nase nunka no a opta pa un pasaporte hulandes. Pero Si nan a skohe pa hasi invershon den diferente forma aki na Kòrsou. Nos por mira na Kòrsou kuantu komersiante, Libanes, Arabe, Portugues, Indio, Asiátiko, Kolombiano, Venezolano, Jamaikino, Sürnameño i diferente otro nashon nan mas tin negoshi aki na Kòrsou. Manera ya menshoná nos di MFK ta konvensí ku si nan ta dispone di un pèrmit di residensia fiho despues di a biba mas di 10 aña, ku e abitantenan aki konosé kultura di Kòrsou i ya ta parti di nos sosiedat ku sufisiente partisipashon den dje pa nan por partisipá den un proseso elektoral, komo votante.

Frakshon di MFK ku a entrega e vershon adaptá di e lei riba nos Areglo di Estado ku e konsehonan di “Raad van Advies” na Parlamento, ta spera ku den tratamentu di e kambio di lei aki den e reunion di komishon sentral, ku frakshonnan den Parlamento duna nan kontribushon i aprobashon na e kambio aki. Pa asina por trese e kambio nesesario den nos Areglo di Estado i seguidamente por trata e kambio di e lei elektoral pa por kompletá e totalidat i otorgá na nos abitante i rumannan di un otro nashonalidat, pero ku a skohe nos Kòrsou komo nan kas i ku nan ta dispone di un pèrmit di residente permanente por haña derecho pa partisipá na elekshon.

Despues di djárason awor nos lo sa kua ta e partidonan polítiko ku realmente ta duna nan apoyo na e diferente nashonalidatnan ku Kòrsou konosé pa mas di 300 aña den konbibensha.

 

Kòrsou, 11 di novèmber 2018

Na nòmber di frakshon di MFK

Gerrit Schotte – Lider Polítiko

 

Advertisements
error: Content is protected !!
%d bloggers like this: