Advertisements

Djamars awor dia 13 di Novèmber awor: CROSSOVER YOUTH MUSIC FOUNDATION KU KONSIERTO ANNUAL RIBA FREEWINDS

Djamars awor dia 13 di Novèmber awor:

CROSSOVER YOUTH MUSIC FOUNDATION KU KONSIERTO ANNUAL RIBA FREEWINDS

 

WILLEMSTAD — Djamars awor dia 13 di Novèmber Crossover Youth Music Foundation, (C.Y.M.F). lo tin su ‘Annual Grand Concert’ abordo di e barku Freewinds.  Konsierto ta di 8.00 pa 10.00 anochi.

C.Y.M.F. ya kaba ta konosí pa su konsiertonan di nivel asombroso. Konsiertonan kaminda Kòrsou henter por sera konosí ku talentonan nobo i sintibu orguyoso di ta yu di Kòrsou.

E fundashon musikal aki bou di direkshon di e maestro vokalista, mr. music, Toni Worrell, pa 24 aña kaba ta formando talentonan na un nivel internashonal.

Bin bo tambe, bin gosa di kantantenan manera Vienna Maduro, Evan Huerta, Dwight de Windt, Roxenia Rozal, Kim Maria, Jessica Keetelaar, Ellen Klok, Georgegino Eisden, Gayle Harry i e formashon harmóniko Face2Face.

Starlight lounge, e sala di konsierto di Freewinds, lo ponebu sintibu manera na Las Vegas. I e diversidat musikal i  nivel asombroso di e kantantenan ta kaba di koroná e obra.

Freewindsband ku su elenko internashonal di músikonan, kompañá pa NGN brass lo hasi bo eksperensha kompleto. P’esei bo no por pèrdè e ‘Annual Grand Concert’ di C.Y.M.F.  

Bo kumpra karchi delantá, bo ta paga solamente f 25,-.  Djaluna 12 i na porta e karchinan lo ta f 30,-!! Pues no pèrd’é pa bo no pèrdè. Pa mas informashon i reservashon, bo por yama 5282404, 6776497 o 4653582.

 

 

Advertisements
error: Content is protected !!
%d bloggers like this: