Advertisements

Reunion Relashoná ku aña di Kaha di Òrgel

Reunion Relashoná ku aña di Kaha di Òrgel

Gobièrnu di Kòrsou huntu ku Kas di Kultura den kuadro di preparashon pa Aña di Kaha di Òrgel 2019, ta hasi un yamada urgente na tur doñonan di Kaha di Òrgel aktivo na Kòrsou pa un enkuentro riba término korto den kuadro di e preparashonnan.

Tambe lo tin e posibilidat pa registrá tur kaha di òrgel aktivo na Kòrsou i de paso duna informashon relevante pa e proyekto di Aña di Kaha di Òrgel 2019.

Ta hasi un petishon na tur tokadó di kaha di òrgel aktivo pa asistí na e enkuentro aki ku ta tuma lugá na Patio di Kas di Kultura (edifisio di Kas di Kultura na Skalo) riba dia 14 di novèmber 2018 pa 6or di atardi.

Pa mas informashon por tuma kontakto ku Kas di Kultura libremente na number di telefòn na +599 9 563 5060.

Boso presensia ta altamente apresiá.

Ministerio di Enseñansa, Siensia Kultura & Deporte

Unidat/Departamentu di komunikashon

Komunikado na Prensa relashoná Enkuentro Kaha di Orgel nov 2018

Advertisements
%d bloggers like this: