Advertisements

KOMUNIKADO DI KUERPO POLISIAL KÒRSOU Detenshon pa menasa ku arma di kandela.

KOMUNIKADO DI KUERPO POLISIAL KÒRSOU

450 / 2018

9 novèmber 2018

Detenshon pa menasa ku arma di kandela.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 9 di novèmber alrededor di 04.58 ’or di mainta, personal di Reshèrshi (VVC), Tim di Mantenshon di Òrden Públiko, huntu ku Tim di Aresto riba òrdu di Ministerio Públiko a detené un hòmber na su kas den Kaya Meteorológiko pa un kaso di menasa ku arma di kandela.
Na e adrès ariba menshoná, a detené hòmber X.G.R.W. nasé na Kòrsou di 19 aña di edat.
Dia 5 di novèmber 2018, e hòmber sospechoso a bai buska su eks partner na kas di un amiga, i su eks lo a ninga di sali i despues di un ratu e sospechoso lo mester a los tiru den laira.
Kontinuando ku e investigashon a tene un entrada hudisial na kas di e sospechoso.
Polis a detené e hòmber X.G.R.W. i a present’é dilanti di un fiskal ouksiliar ku a ordená su enkarselamentu pendiente di mas investigashon.

 

Advertisements
%d bloggers like this: