Advertisements

MFK posishon evaluashon CRW Finansa i trabou di CFT: Rekordatorio: Reunion Komishon di Finansa 8 di novèmber 2018

Kerido Presidente di Komishon di Finansa, Sr. Wimbert Hato,
 
Felis anochi.
 
Mi persona no lo tey presente mañan den un reunion sera pa papia ku un komishon ku ta evalua un lei porta sera ku komishon di finansa djis pa por raportá den nan resumen i den nan konklushon ku nan a konsulta tur “Stakeholders” den e Pais den e kaso aki miembronan di Parlamento di Komishon di Finansa pa asina yega na e konklushon ku e CRW di Finansa i supervishon di CFT ta funshonando asina bon ku pa e motibu aki e ta wòrdu prolongá.
 
Nos opinion ta lo siguiente:
 
CFT tin 8 aña ta rekomenda tur tipo di medida pa drecha finansa públiko anto tòg;
 
  1. Debe Nashonal ta rumbo pa 3000 mion florin di debe atrobe, meskos ku tempu di Antias Hulandes,
  2. Kaha di reserva “eigen vermogen” ku tabata tin 530 mion florin na òktober 2012 ku tabata tin un saldo positivo, den 2013 pa 2017 a wòrdu gasta pa tapa defisit i aworaki ta na 0,
  3. Schommelfonds na SVB ku na òktober 2012 tabata tin 100 mion florin aworaki ta Gobièrnu ta doteer (manda) sèn for di “gewone dienst” pa por paga defisitnan den fondonan soshal di SVB,
  4. Tin varios presupuesto presenta ya den 2018, awor nos ta bai haña e di 3 vershon medio November 2018 pa asina presentá un presupuesto awor si “Sluitend” mientras CFT a wak tur promé presenta ku a wòrdu aprobá dor di mayoria den Staten pa despues nos tende ku tòg nan niun no ta “sluitend”, tin defisiti konsekuentemente a pakete pueblo ku medida pa tapanan,
  5. Tin un “Staatsschuld” ku ta kaduká na 2020 ku Gobièrnu ya kaba a indiká ku e no sa kon pa paguele te ku ta papiando di saka un BONO nobo “Sinking bond” pa por fia sèn pa paga un otro sèn ku a fia, dus nos a bai bek na e konsepto di endeudamentu dor di “Roll Over” bononan pa paga debe ku tabata hasi meskos ku den tempu di Antias Hulandes,
  6. Gobièrnu tin 6 aña ta proyekta kresementunan ekonomiko fiktisio ku CFT a aseptá tur, pa despues CFT bisa Gobièrnu ora e kresementu no a tuma luga ku nan mester pas e aan, pero for di e promé tratamentu di presupuesto den Parlamento nos mes ku sa menos di Finansa públiko ku tur e expertonan finansiero den CFT sa ku e proyekshon nan ey no ta real.
Bisando tur esaki nos ta konstata ku CFT ta skor un “dikke onvoldoende” den trabou di supervishon sam sam ku Gobièrnu, dus ku otro palabra nan evaluashon ta e resultado finansiero prekario ku Kòrsou ta den dje no opstante di nan Supervishon Finansiero.
 
Pa e motibu aki nos ke mantene nos libertat di duna nos opinion habri di forma transparente pa pueblo sa, i no ta bai hasi esaki den komishon di finansa kaminda despues nos ta wòrdu priva di nos derecho di ekpreshon i di hasi e trabou Parlamentario di forma habri ku nos pueblo, pesey e email aki na bo persona i demas koleganan di komishon. (mind you ku nos por haña hasta Aangifte den nos kontra dor di papia berdatnan)
 
Nos lo share nos opinion tambe publikamente pa esaki yega na orea di kada un siudadano di nos pais. CFT a frakasá sam sam ku Gobièrnu den hiba un maneho finansiero kontrolabel sin defisitnan ku ta kousa mas malestar ekonomiko den nos komunidat okashonando mas desempleo tur dia, menos forsa di kompra, konsekuentemente mas siere di kompanianan tur dia!
 
Nos no sa si esaki ta e plan final, pero pa pueblo por sa ken ta parti di e bochincha di un maneho finansiero robes den ehekushon i den kontrol nos opinion di forma habri pa bo persona i pueblo.
 
Danki di antemano, pa kompronde nos posishon.
 
Saludos,
 
Gerrit F. Schotte
Lider di MFK i miembro di Komishon di Finansa.
Advertisements
%d bloggers like this: