Advertisements

Posibilidat pa studiantenan di MBO/SBO por studia na Aruba i Bonaire.

Posibilidat pa studiantenan di MBO/SBO por studia na Aruba i Bonaire.

 

Resientemente representantenan di MBO Bonaire, direktor Liset de Keijzer i teamleider sra. Vanessa Daniel, a hasi un bishita serka Minister di Enseñansa, Siensia, Kultura i Deporte sta. Marilyn Alcalá-Wallé kaminda a interkambia tokante e posibilidatnan pa hobennan di SBO di Kòrsou por sigui nan estudio na Bonaire pa e direkshonnan ku Kòrsou no ta ofresé ainda. E idea ta unu ku por brinda mas posibilidatnan pa nos studuantenan studia serka banda di kas.

Minister Alcalá-Walle ta apoyá e kolaborashon entre e islanan ABC i dentro di poko ta bai elaborá internamente i alabes riba nivel gobernamental entre Aruba, Bonaire i Kòrsou pa saka mas i mihor benefisio pa nos studiantenan di SBO/MBO.
Reprosidat por benefisiá tur e tres islanan.

Riba e foto por mira e representante nan di MBO Bonaire huntu ku Minister Alcalá-Wallé.

Advertisements
%d bloggers like this: