Advertisements

Mas atenshon na minimalisá riesgo i halsa seguridat durante evento grandi

Mas atenshon na minimalisá riesgo i halsa seguridat durante evento grandi

 

Willemstad – Publiko ku ta bishitá evento grandi na Kòrsou por sinti nan mes mas sigur, awor ku un total di 38 kursista a finalisá dos kurso intensivo tokante seguridat kaminda tin un aglomerashon grandi di hende. Representante di MOJO Concerts (Hulanda) i The Security Company (Hulanda/Inglatera) a duna e kursonan ‘Event Safety i Crowd management’, organisá pa Direktorado pa Maneho i kontròl di riesgo i kalamidat (DRR).

Na e kursonan a partisipá hende di entre otro DRR, Brantwer Kòrsou, FDDK, Titan Security i KPC di Kòrsou. Tambe a invitá miembronan di Openbaar Lichaam i RCN (Boneiru), Brandweer Caribisch Nederland i Brandweer Sint Maarten,  pa asina duna kontenido na e palabrashon di kontribushon entre islanan Karibense di Reino Hulandes. Tur partisipante a traha den un forma multidisiplinario loke a resultá efektivo i eksitoso.

Awor ku Kòrsou mas i mas ta bira e podio pa evento internashonal grandi, manera Curaçao North Sea Jazz festival i Flying Dutch, pero tambe pa fiestanan manera Karnaval i Festival di tumba, ta importante pa duna atenshon na seguridat di bishitantenan tambe. Esaki ta un di e rekonosimentunan den e Profil di Riesgo 2017 – 2022 di DRR. E kursonan ta un prueba di e seriedat ku Gobiérnu ta duna na e tópiko.

Advertisements
%d bloggers like this: