Advertisements

Konmemorashon Aksidente Trágiko ku a kosta bida di 16 trahador durante konstrukshon di Brùg Juliana.

Konmemorashon Aksidente Trágiko ku a kosta bida di 16 trahador durante konstrukshon di Brùg Juliana.

 

Willemstad, 6 novèmber 2018.

 

Awe a tuma lugá e konmemorashon ofisial anual na e estatua na subida di Brug Koningin Juliana bayendo direkshon di Otrabanda i Scharloo.

E parti ofisial a konsistí di orashon, un minüt di silensio, ponementu di krans siguí pa diskursonan di esnan invitá pa hasi esaki.

Nos ku semper tei presente na varios di e seremonianan di konmemorashon riba nos kalendario di evento ta lamentá ku tur e papiamentunan i enfokenan tresé dilanti bes tras bes i tur e promesanan hasí  ta bai den bientu i bientu ta kuenan bai ku nan sin ku NUNKA nada konkreto ta bin afó.

Loke ta mas lamentabel ta ku ta usa e seremonia aki komo plataformá pa pone tópikonan di importansha riba agenda di polítiko i gobernantenan pero masha poko lus ta ser tirá na e motibu primordial di e paramentu ketu aki esta para ketu na e viktimanan i esnan ku a pèrdé nan bida durante konstrukshon di e brùg klave aki pa komunikashon entre e dos bandanan di nos bahia di Santa Ana.

Por lo muy menos bo ta sperá un seremonia ku kada aña tin su karakter inovativo i “out of the box” ku ta yudaos para ketu na e impaktó grandi ku e trageida aki a trese den bida di e 16 trahadornan aki.

E spichnan no ta yuda nos komprondé kada bes mas mihó e embargadura di e suseso, tragedia NASHONAL aki.  Lo bo spera ku ta menshoná e nòmbernan di e personanan, trahadornan ku a fayesé i a bira víktima na momento di e derumbe di e brùg aki  ku tabata den konstrukshon. Komo ku ta hasi menshon di dos fecha 6a di febrüari 1967 i 7 di yanüari 1972 bo ta asumí ku ta tin apenas algun aña despues dje aksidente di 1967 atrobe na mes un brùg aki otro aksidente fatal ku morto komo konsekuensa. Riba e plakat di koper ta bisto ku a Purba rankele bai ku n’e I e ta sushá  ku fèrf I e plakat ku ta poné na nòmber di Gobiernu di Kòrsou ta kontené un kantidat di eror gramatikal. Ta falta aksènt , ta skirbi e konsonante j eroneamente i ta faya ku regalanan di asentuashon i ta Papia di omenahe Kaminda segun buki di oro e palabra mester ta homenage. I e plakat ta Papia di víktimanan di desgrasianan.. faltando na apuntá ku morto komo konsekuensha.

Kua instansha ta enkargá ku mantenshon i korekshon di erornan ortográfiko riba e plakatnan ku ta kompa˜ã e monumentonan riba nos isla i ta hasi sigur ku henter aña e vegetashon i plantashon  rondó di e monumentonan aki ta den bon kondishon?

Pa para ketu na e vˆktimanan di aksidente ku morto komo resultado nos ta spera di sa mas di nan I nan famia? Ken nan ta? Kon nan famianan a dil ku e pèrdida di ripente i grandi aki? Kon a regla asuntunan entre doño di trabou i trahadó ku ta muri na boka di trabou pa motibu fuera di su mes negligensha? Kiko investigashon di e suseso a saka na kla i kon Minsiterio di SOAW a dil ku esaki. Pa asina duna kontenido ku semper lo rekordá nan labor I sakrifisio I na onor na nan ta tuma medidanan di prekoushon na tur boka di trabou. Kon esei ta regla aktualmente i den nos leinan? Tin dokumento I estadístikas di 1967 bin ariba kon nos a mehorá den e area aki?

Dikon tin asina poko dokumentashon ofisial disponibel di e suseso aki ku por ser konsiderá komo e aksidente di trabou mas grandi ku Kòrsou a konosé? Ta ken su responsabilidat pa dokumemntá e asuntunan promé , durante i despues di e suseo aki i otro aksidentenan na boka di trabou ? Kiko ta impedí nos di registrá esaki , falta di interés, o agendanan skondí pa skonde negligensha di tantu doño di trabou i/o trahadornan? Kon por trein nos trahadornan pa ta mas prekabido semper?

Kon famianan mes ta dil ku e pèrdida di e grandura aki i kon nan ta reakshoná na e falta di konsientisashon i interés aña den aña afó ku nan ta eksperensiá rondó di e desgrasia aki?

Dikon asina poko interes di politikonan, parlamentario, mandatarionan, representashon di doñonan di trabou manera KVK i VBC  durante di e tipo di konmemorashonnan aki.

Nos ta konstatá hopi doló ahinda I poko alivio pa dil ku e doló aki. Mientras nos komunidat ta biba den total apatia i ignoransha di loke a pasa. Ta ken su responsabilidat esaki ta esta pa perkurá pa a lo menos riba e página di parlamentu o di Gobièrnu di Kòrsou o riba wikipidia tin un vershon ofisial bon dokumentá di loke  a pasa na 1967 i 1972 ku a hiba na e desaster Nashonal aki .

Otro aña nos por OTRO?

Nos a suguerí pa sera e tráfiko otro aña entre 9 or – 11 or ora ku e seremonia aki ta tumá lugá I krea asina konsenshi nashonal huntu ku sakrifiso di tur outomobilissta kju lo tin di sakrifiká algu na komparashon un sakrifisio chikí si komparele ku esnan ku a pèrdè nan bida pa nan por trafiká libremente aña den aña afó.

Mester yama  atenshon na e suseo lamentabel aki pa asina nos tur sa kiko a pasa , kiko a kondusí na e tipo di aksidente aki i kon nos kada unu por aportá pa mengua peliger na trahadoor na boka di trabou i sigur dokumentá kada kaso den forma metodológiko pa asina nos anualmente por mira si nos ta dal stapnan bai padilanti o ta keda mes kaminda o te hasta ta bai atrás.  Kua ta e kompania ku a dirihí e trabounan i ta nan tabta tin di perkurá pa mihó siguridat I nan a risibí sankshon pa no a kumpli ku nan responsabilidat? O atrobe ta bisto e tradishon di poushi si i di miou no?

E peligernan na boka di trabou ta kontinua diariamente nsan ta djis pa menshoná esnan mas doloroso aktualmente e  peliger di traha ku material ku ta kontené asbèst o peliger grandi pa trahadornan den seguridat mal ekipá i mal pagá, sobrá mi ta laga pa abo mes yena. Ya ku abo mihó ku Ami sa di loke ta pasa na abo su boka di tabou.

Ban spera ku bos di buriku despues di 51 aña di konmemorashon di e fecha di 6 novèmber lo yega shelo. Fuera!

Awe nos SI ta serabo konosí  e víktimanan ku a pèrde nan bida menshoná riba e plaka ku ta pone komo Informashon na e monumento aki,  pa gobièrnu di Kòrsou.

E plaka konmemorativo dje monumento ta bira lo siguiente : Gobièrnu di Kòrsou , ta dediká e monumento aki komo homenahe na memoria di :Eusebio Hipolito BENITA, Franciscus Ausustinus VAN DAELE, Pablo Daniel EVERTSZ, Silvio Brasilio IGNACIO, Ottmar Alphonse IPARRAQUIRRE, Frederico Ovelio JANSEN, Nilo Hipolito DE JONGH, Hendrik Agnes LINGSTIJLING, Ronald Francisco MARGARITA, Wobbe RENKEMA, Gerrit van RIJSWIJK, Arie ROTTIER, Julio Roberto SILIE, Johannes Martinus VLIJTIG, Folgert WINDT, JACOBUS DE WITTE .  

Víktimanan di desgrasianan durante konstrukshon di Koningin Juliana Brug. Riba 6 di vovèmber 1967 i 7 di yanüari 1972. SEMPER LO REKORDA NAN LABOIR I SAKFRIFISIO.

Ken ta e artistá ku a diseñá e monumento aki, kon e biding a bai? Ta tin ms artista ku a manda nan diseño, Kon a selektá e diseño aki. Ken a konstruyé i kuantu ela kosta pa trahele I tin presupuesto pa kuideleanualmente?

Riba e potrèt ku  Kenneth Valpoort nos por sera konosí ku un dje famianan di un de trahadornan ku a pèrdè nan bida ku ta Famianan di Eusebio Hipolito BENITA . Abo lo no ke sa mas di tur?  Keda pendiente .

 

Advertisements
%d bloggers like this: