Advertisements

Trabounan di mantenshon di Gorsiraweg ta kuminsa

Trabounan di mantenshon di Gorsiraweg ta kuminsa

 

Willemstad – Pa mehorá e estado di Gorsiraweg, Servisio pa Obra Públiko (OW) ta laga drecha partinan di e kaminda. Di e forma aki, outomobilistanan por kore riba un karetera ku ta den un mihó estado ku esun aktual. Gorsiraweg ta e kaminda for di Casa Cuna te ku Konsulado Merikano, pues dilanti di Ennia.

Trabounan ta tuma mas o ménos 1 siman i ta kuminsá djaluna 5 di novèmber. E trabounan ta bou di enkargo di kontratista MNO Vervat. Den e promé fase lo drecha e kaya for di Konsulado Merikano te ku Ennia, i den e di dos fase lo drecha di Ennia bai te ku Casa Cuna.

OW ta traha huntu ku Departamentu di tráfiko di Kuerpo Polisial (KPC) pa yega na rutanan alternativo. Tambe ta sòru pa habitantenan i komersiantenan keda ku akseso na nan kas òf negoshi. OW i KPC ta pidi tur outomobilista pa sigui e indikashonnan i kore ku koutela.

OW ta gradisí komunidat adelantá pa e pasenshi i koperashon. Pa pregunta por yama òf whats app na 511-8582. Tambe por bishita e website www.vvrp.cw/proyekto pa tur informashon i desaroyo di proyektonan di OW.

Advertisements
%d bloggers like this: