Advertisements

Dia habrí pa hóbennan na kompanianan atrobe un eksito

Dia habrí pa hóbennan na kompanianan atrobe un eksito

Willemstad – “Kuantu nos ta kobra e kliente?”Alumnonan di grupo 7 i 8 partisipando den Roefeldag a hañanan konfrontá ku un pregunta ku tur dia ta bini dilanti den diferente kompania. Durante Roefeldag, 32 kompania a habri nan porta pa e hóbennan.

Sali di un ofisina di abogado kore bai brantwer pa un ratu despues tira un bista den un banko. Tabata un dia di kore aki p’aya pa 150 alumno di grupo 7 i 8 ku a partisipá den Roefeldag. Ta di 12 biaha ku Federatie Antilliaanse Jeugdzorg (FAJ), Fundashon Desaroyo i Progreso (FDiP) i Fundashon Negoshi Pikiña (FNP) a organisá e evento aki ku ta duna hóbennan chèns pa wak kiko ta pasa den diferente kompania na Kòrsou. Bisti na un T-shirt ku e kolorído emblema di Roefeldag e hóbennan tabata aparese na e porta di e kompanianan. Portnanan tabata habri mesora pa e grupo di kuater te sinku alumno. Tantu pa e alumnonan komo e kompanianan tabata un momente agradabel pa kirba un ratu ku rutina di dia. Tur kaminda a para splika na e bishitantenan kiko e trabou di tur dia ta inserá. Tabata mustranan tambe kasi tur kaminda den e kompania. Asin’ei alumnonan ta haña un bon bista riba kada fishi ku kisas nan skohe pe despues.

Na Hagen Design entre otro a duna splikashon kon ta traha un aviso pa korant. Tambe a mustra kon ta prepará te graba un propaganda pa televishon. Na Cusbro e bishitantenan a siña kiko ta nifiká duna servisio. Para rònt di un kompiuter a pasa dor di e proseso ora un kontainer ta bini Kòrsou ku merkansia pa un kompania. Einan nan ta yuda e kompania ku e papelnan di duana. ” Kuantu nos ta kobra e kliente pa e trabou ku nos ta hasi pa nan? ” E montantenan ku ta keda menshoná ta varia entre un sinkuenta te miles di florin. E empleadonan a tuma tur tempu pa splika i kontesta pregunta di e bishitantenan. Ya asin’ei nan ta kompronde kiko ta hasi na e kompanianan. Pa e hóbennan kada bishita a habri un mundu nobo. Awero ku nan tin ku skohé un fishi nan por hasi esaki mas konsiente. Na fin di dia nan tur e 150 partisipantenan a bini huntu na Landhuis Bloemhof pa kome, bebe i papia tokante lokual nan a eksperensia.

Promé ku e alumnonan a partisipá na Roefeldag nan a haña tres les di preparashon. Unu tabata tokante fishi i estudio ku tin ku hasi pa esaki. E di dos les tabata tokante spar i gasta. Den e di tres les e alumnonan a siña kose, traha habon i traha bela.  

Otro aña Federatie Antilliaanse Jeugdzorg (FAJ), Fundashon Desaroyo i Progreso (FDiP) i Fundashon Negoshi Pikiña (FNP) ta bolbe organisá un Roefeldag. Kompanianan ku kier partisipá por manda un email na bureau@faj.cw òf yama FAJ na number di telefòn 7674911.

 

SANYO DIGITAL CAMERA
SANYO DIGITAL CAMERA
SANYO DIGITAL CAMERA
Advertisements
%d bloggers like this: