Advertisements

KONTINUASHON LIGA MCB PROMÉ I SEGUNDO DIVISHON!

KONTINUASHON LIGA MCB PROMÉ I SEGUNDO DIVISHON!

Liga MCB Promé Divishon a inisiá den wikènt tras di lomba miéntras Liga MCB Segundo Divishon a inisiá den komienso di siman. Nos selekshon nashonal U-20 tambe a sali pa Tampa pa asina kumpli ku nan kompromisonan den e CONCACAF U-20 Championship 2018 algun dia pasa. Abasa di esei mayoria klup ku tin un òf mas miembro den e selekshon aki a hasi un petishon na direktiva pa kanselá nan weganan te ora e selekshon regresá.

Na nan regreso lo mester reprogramá nan partidonan tantu den siman komo den wikènt.

Alabes, lo hasi uso di e paro aki pa por regla tur otro kaso ku tin pendiente pa ku e kampionatonan. Nos ta spera ku e selekshon U-20 klasifiká, si esaki sosodé nan lo regresá despues di 21 di novèmber si esei no ta e kaso nan lo tei bèk dia 12 di novèmber.

FFK ta pidi komprenshon di tur hende pa e kambionan aki, pendiente pa e kontinuashon di e kampionato. Entre tantu e partidonan di entre otro Segundo Divishon si lo kontinuá i pronto nos lo duna mas detaye di e partidonan aki.

Tambe nos ke rekòrdá tur hende riba e terser partido di nos selekshon nashonal bálido pa Nations League dia 19 di novèmber próksimo, 8’or di anochi den SDK.

Kumpra bo karchi na trempan pa sostené nos muchanan komo e di 12 hungadó.

 

2 novèmber 2018

 

Advertisements
%d bloggers like this: