Advertisements

NOS SELEKSHON NASHONAL LO ENFRENTÁ GUADELOUPE AKI NA KÒRSOU DIA 19 DI NOVÈMBER 8’OR DEN SDK! E 37 HUNGADÓNAN DI E PRE-SELEKSHON TA KONOSÍ!

NOS SELEKSHON NASHONAL LO ENFRENTÁ GUADELOUPE AKI NA KÒRSOU

DIA 19 DI NOVÈMBER 8’OR DEN SDK!

E 37 HUNGADÓNAN DI E PRE-SELEKSHON TA KONOSÍ!

 

Nos selekshon nashonal ta komandá e tabla di posishon di Nations League despues ku tur pais a hunga 2 partido di e promé buèlta. Awor nos tin un total di 6 punto ku 15 gol na fabor ku niun gol kontra. Ku e resultadonan aki nos selekshon ta un pia den Gold Cup 2019.

Nos falta 2 partido mas pa kompletá e seri di 4 partido bálido pa e promé buèlta di Nations League. Nos terser partido lo ta 19 di novèmber próksimo kontra Guadeloupe aki na Kòrsou pa 8’or di anochi den SDK miéntras nos último partido lo tuma lugá dia 25 di mart 2019 na Antigua & Barbuda kontra Antigua & Barbuda.

Despues di a sondiá diferente hungadó ku ta residensiá afó ku ta militá den ekiponan eksterior i tambe nos hungadónan lokal, áktivo den Liga MCB, nos entrenadó Sr. Remko Bicentini huntu ku su staf a yega na un grupo di 37 hungadó ku ta forma parti di e

pre-selekshon ku lo partisipá na e partido aki.

E siguiente hungadónan a keda selekshoná pa forma parti di e pre-selekshon;

  1. Eloy Room
  2. Shanon ‘Cheese’Carmelia
  3. Elson ‘Sontje’ Hooi
  4. Leandro Bacuna
  5. Kenji Gorre
  6. Michaël Maria
  7. Rhu-Endly ‘Cuco’ Martina
  8. Reangelo Janga
  9. Ayrton Statie
  10. Gevaro Nepomuceno
  11. Darryl Lachman
  12. Jarchino Antonia
  13. Shermaine Martina
  14. Shermar Martina
  15. Charlison Benschop
  16. Gino van Kessel
  17. Randal Winklaar
  18. Jurensley Martina
  19. Jimbertson Vapor
  20. Rowendy Sumter
  21. Jarzinho Pieter
  22. Ruensly Leuteria
  23. Mirco Colina Jr.
  24. Brandley Kuwas
  25. Liandro Martis
  26. Quentin Martinus
  27. Jurich Carolina
  28. Jeremy de Nooijer
  29. Suently Alberto
  30. Quentin Jakoba
  31. Charlton Vicento
  32. Guyon Fernandez
  33. Roly Bonevacia
  34. Bradley Martis
  35. Irvingly van Eijma
  36. Germaine ‘Kemy’ Agustien
  37. Jafar Arias


 

Karchinan pa e tremendo partido aki ta optenibel na FFK bou di ora di ofisina, Botika Mampuritu, Beep Beep, 4th of July snèk na Barber, pòmp di gasolin Santa Maria, serka Sport Spot Boutique & More na Santa Maria pegá ku trùk di pan Komelon i na Restorant Trafasie pegá ku Don Bartolo.

E preisnan pa e diferente sekshonnan ta lo siguiente:

  • SEKSHON A: VIP ta kosta Fl.150,-  (inkluso konsumo)
  • SEKSHON B: Bou di tribunanan kubrí ta kosta Fl.50,-
  • SEKSHON C: Tribunanan no kubrí ta kosta Fl.30,-
  • SEKSHON D: Mucha te ku 12 aña ku 60+ ta paga Fl.10,- den sekshon general

 

Ainda nos tin suèter di e kolekshon nobo di nos selekshon nashonal ku ta Nike original na balor di Fl.75,- i nos a sobra e famoso shalnan di nos selekshon na balor di Fl.25,-.

Ámbos optenibel na FFK bou di ora di ofisina.

Pasa buska di bo pa asina bo bin sostené i apoya nos hungadónan.

Bisti bo suèter, dal bo shal, waya bo bandera i ban yena stadion dia 19 di novèmber próksimo!

Nos muchanan mester di bo sosten komo e di 12 hungadó!

 

Advertisements
error: Content is protected !!
%d bloggers like this: