Advertisements

MISS EARTH CURACAO, ALEXANDRA ATALITA, UN DJE 9 MISS-NAN INVITA NA RE-APERTURA DI E ISLA BORACAY NA FILIPINAS

MISS EARTH CURACAO, ALEXANDRA ATALITA, UN DJE 9 MISS-NAN INVITA NA RE-APERTURA DI E ISLA BORACAY NA FILIPINAS
BORACAY/WILLEMSTAD – Resientemente e representante di Kòrsou na sertámen di Miss Earth 2018, esta Alexandra Atalita tabata un di e 9 representantenan di Miss Earth ku a keda invitá na apertura di e Isla Boracay ku ta keda na Filipinas.
Manera ta konosí, algun ten pasa, Presidente di Filipinas a disidí di sera akseso na e Isla Boracay pasombra e Isla aki tabata tin asina tantu sushi ku no tabata responsabel pa laga hende bai ariba. Despues di un akshon di limpiesa total, algun dia pasa re-apertura di e Isla a tuma lugá.
E Isla di Boracay na e momentunan aki ta limpi limpi i honor a toka na 9 di e diferente representantenan di vários pais pa ta presente na e aktividat aki. Un dje 9 Miss nan aki tabata Alexandra Atalita, Miss Earth Curaçao 2018.
Alexandra Atalita a mustra ku den su lucha kontra di polushon di produktonan di plèstik, e ta mira Boracay komo un ehèmpel riba e konsientisashon di medio ambiente. E tabata impreshoná pa e esfuerso ku Gobièrnu di Filipinas a hasi pa laga limpia e Isla aki i pone esaki bek liber i limpi for di sushi.
Durante su bishita na Boracay, kanalnan di televishon grandi manera CNN Asia, GMA i Asia News a entrevista entre otro Alexandra Atalita riba su pensamentu pa loke ta trata medio ambiente i tambe limpiesa.
SERTAMEN MISS EARTH 2018
Entre tantu djasabra awor dia 3 di novèmber lo tin e sertámen di Miss Earth aya na Filipinas. Alexandra Atalita lo ta e digno representante di Kòrsou den e magno evento aki. Por follow e sertámen aki live via di Facebook na Miss Earth 2018.

Atentamente

Potret: Aki por mira e 9 kandidatanan pa e sertamen di Miss Earth 2018, entre kual Alexandra Atalita di Korsou, ku a keda invita pa akudi na re-apertura die Isla den Boracay, den kompania di e Burgemeester di e Isla

Advertisements
%d bloggers like this: