Advertisements

Tur ku ta risibí supsidio di gobièrnu tambe ta responsabel pa un finansa balansá.

Tur ku ta risibí supsidio di gobièrnu tambe ta responsabel pa un finansa balansá.

Djaluna 29 di òktober e tratamentu di presupuesto di pais Kòrsou 2019 a inisiá den Parlamento di Kòrsou. Kumpliendo asina aki ku e leinan di kontabilidat di Pais.

Durante e promé dia di tratamentu di presupuesto 2019 señora Pauletta, parlamentario pa frakshon di PAR,  a indiká ku kolegio, fundashon i institutonan afiliá na gobièrnu tambe ta responsabel pa un finansa balansá di pais Kòrsou.

Den kuadro di esaki ta importante ku e kuentanan anual di kada organisashon ku ta risibí fondo di gobièrnu keda entregá segun e leinan di Kòrsou. Ademas tur fundashon i órgano afiliá na gobièrnu durante e próksimo añanan mester enfoká pa bai traha mas huntu. Asina aki krea un sinergia di efektividat.

Esaki por keda realisá dor di entre otro sentralisá kompra di material i aparato pa kantor, hasi uso di espasio pa reuní komun, ta mas diligente den uso di material i tin un lista di prioridat repartí den mas ku 1 aña.

Un maneho finansiero stabil ta importante pa e desaroyo positivo di nos Pais i ta di aploudí e trabou nan ku Gabinete Rhuggenaath ta hasiendo pa krea esaki. I komo fundashon, instituto òf kompania ku ta risibí fondo di gobièrnu ta importante pa hala mara na e inisiativa aki na bienestar di Pais.

 

Ana -Maria Pauletta

Lider di Frakshon

Advertisements
error: Content is protected !!
%d bloggers like this: