Advertisements

Rotterdam – Djadumingu 28 di òktober 2018 alrededor di 21.20 a tuma lugá un insidente di tiroteo na Katendrecht, den area di Rechthuislaan

Rotterdam – Djadumingu 28 di òktober 2018 alrededor di 21.20 a tuma lugá un insidente di tiroteo na Katendrecht, den area di Rechthuislaan, no muchu leu for di e atrakshon turístiko Fenix Food Factory i Theater Walhalla. Durante di e tiroteo aki un Dayron ‘Dayo’ di 32 aña a pèrdè su bida. Kuerpo polisial a risibí diferente yamada di e tiroteo debí na e gran kantidat di bala ku tabata zona, loke a okashoná paniko den e bario. Inmediatamente agentenan polisial a kuminsá ku un buskeda na gran eskala pa enkontrá e agresor. E bario a keda hermétikamente será i un helikòpter polisial ta den funshon. Ta sospechá ku e agresor a hui riba un skuter. Den Rotterdam Zuid a enkontrá un skuter kimá i agentenan ta investigá si tin konekshon entre e skuter aki ku e kaso di tiroteo. Durante oranan di djadumingu anochi mes a detené un persona, pero a resultá ku e no tabata enbolbí den e kaso aki i a lag’e den libertat.
Na e momentu aki e motibu di e tiroteo no ta konosí. Investigashon den e kaso aki ta kontinuá.

 

.
.
https://www.youtube.com/watch?v=WY1HKLRAIbk&feature=youtu.be
Advertisements
error: Content is protected !!
%d bloggers like this: