Advertisements

Parlamentario Curtley Obispo: Presupuesto di Pais Kòrsou ta nos tur ta duna nos aporte pa bienestar i progreso!

Parlamentario Curtley Obispo: Presupuesto di Pais Kòrsou ta nos tur ta duna nos aporte pa bienestar i progreso!

Parlamentario Curtley Obispo a mustra a base di diferente stipulashonnan  di Areglo di Estado di Kòrsou i e lei di Komptabilidat, ku tratamentu di e promé konsepto di presupuesto di Pais Kòrsou ta mara na proseduranan i reglanan di lei establesé kaba for di 10 òktober 2010. Parlamento di Kòrsou e órgano legislativo di Kòrsou ta e plataforma segun lei pa traha i aprobá tur konsepto di lei pa Pais Kòrsou inkluyendo un konsepto di lei di presupuesto. Ta fiha anualmente e presupuesto di entrada i gastu di e kuenta koriente i e kuenta di kapital mediante lei. Presupuesto ta konsistí di un kuenta koriente balansa i un kuenta di kapital balansa. E presupuesto segun lei mester ta balansa pas aña, den e kaso aki pa aña 2019, 2020, 2021 i 2022.

E entradanan di presupuesto di Pais Kòrsou via di e kuenta koriente ta nos tur ta duna nos aporte pa asina Pais Kòrsou tin e entradanan disponibel pa por hasi gastunan na bienestar i progreso di nos tur ku ta biba den nos Pais Kòrsou. Pa loke ta e parti di kuenta koriente di e promé konsepto di presupuesto 2019 di Pais Kòrsou, parlamentario Curtley Obispo a duna diferente ehèmpel durante e reunion di komishon sentral di dia 29 òktober 2018. Ehèmpelnan pa mustra e importansia i e ròl di kada un di nos pa aportá na entradanan pa asina nos kada un por kontribuí na gastunan presupuestá na bienestar di Pais Kòrsou.

Meskos ku a atendé e aña aki den Parlamento di Kòrsou e konsepto di presupuesto 2019 di Parlamento di Kòrsou den komishon sentral i den un reunion públiko, e mesun trayekto ta tambe konta pa loke ta trata presupuesto 2019 di Pais Kòrsou a base di  e leinan ariba menshoná i un planifikashon adelantá risibí for di 26 sèptèmber 2018 di Presidente di Parlamento di Kòrsou, señor William Millerson. Presupuesto di Pais Kòrsou segun lei tin ku wòrdu atendé den un komishon sentral i tambe atendé i wòrdu aprobá den un reunion públiko di Parlamento di Kòrsou.  Den siman di 29 òktober 2018 a kuminsá i lo trata e parti di presupuesto 2019 di Pais Kòrsou pa loke ta trata e beleidsdeel (sifranan i aneksonan di e promé 130 paginá) kaminda kada parlamentario presente den sala di Parlamento di Kòrsou ta hasi pregunta na e ministernan di Gobièrnu di Kòrsou. E ministernan di Gobièrnu di Kòrsou lo kontesta e preguntanan i preguntanan ku no por kontesta lo wòrdu prosesá den un relato di Parlamento di Kòrsou kual ta bai Gobièrnu di Kòrsou pa kontesta bek por eskrito promé ku e reunion públiko.

Parlamentario Curtley Obispo tambe a trese dilanti ku riba henter e konsepto di presupuesto 2019 di Pais Kòrsou, ainda segun planifikashon risibí por hasi preguntanan por eskrito no mas tarda 5 novèmber 2018. Preguntanan kual lo wòrdu prosesá den un relato i manda pa Gobièrnu di Kòrsou pa wòrdu kontesta. Segun planifikashon ariba menshoná, tratamentu di e konsepto di presupuesto 2019 di Pais Kòrsou den un reunion públiko ta  planeá te ainda pa kuminsá den siman di 10 desèmber 2018.

 

 

Advertisements
%d bloggers like this: