Advertisements

Mester sigui kombatí tambe e akoso polítiko i violensia polítiko kontra e hende muhé den Latino Amérika i Karibe.

Mester sigui kombatí tambe e akoso polítiko i violensia polítiko kontra e hende muhé den Latino Amérika i Karibe.

Pa parlamentario Curtley Obispo, Parlatino (e plataforma interparlamentario forma pa e 23 paisnan di Latino Amérika i Karibe) tin su balor agregá!. E balor agregá ta ku bo ta haña mas konosementu i informashon di tópikonan importante ku ta biba pa loke ta trata e region Latino Amerikano i di Karibe, kual tambe ta importante pa nos Pais Kòrsou. Tambe bo ta haña e oportunidat di interkambiá di pensamentu ku organisashonnan internashonal i parlamentarionan presente di e 23 paisnan di Latino Amérika di Karibe.

Djaweps 25 di òktober 2018, parlamentario Curtley Obispo a asistí na Siudat di Panamá,  Panamá, na e reunion di e komishon di Equidad di Genero, Niñez i Juventud. Durante e reunion aki tabata tin e oportunidat balioso di haña un presentashon di señora Paula Narváez,  asesorá spesialista den partisipashon di hende muhé pa Latino Amérika i di Karibe di ONU Mujeres Panamá. Durante e reunion aki señora Paula Narváez a presentá e tópiko di akoso polítiko i violensia polítiko kontra e hende muhé den Latino Amérika i Karibe. Durante e presentashon di señora Paula Narváez diferente punto importante  i balioso a wòrdu presentá. A trata e entre otro definishonnan di akoso polítiko i violensia polítiko. Kua ta e formanan di manifestashon di akoso polítiko i violensia polítiko kontra e hende muhé. Desaroyonan den e region Latino Amerikano i di Karibe pa kombatí e akoso polítiko i violensia polítiko kontra e hende muhé. I finalmente kua ta e desafionan i rutanan futuro di trabou den e region Latino Amerikano i di Karibe.

Parlamentario Curtley Obispo despues di e presentashon tambe a felisitá señora Paula Narváez pa su presentashon ku a trese mas klaridat i mas informashon pa loke ta e tópiko di akoso polítiko i violensia polítiko kontra e hende muhé den tur su forma i tur su aspektonan den e region Latino Amérika i Karibe. Tambe parlamentario Curtley Obispo a indiká den e reunion aki ku kombatí violensia kontra e hende muhé i trese solushonnan konkreto ta kuminsá ku edukashon na entre otro kas, skol, iglesia, bario i den tur gremionan di sosiedat. Edukashon for di e mucha hòmber, e mucha muhé, e hóbennan i tambe e hende hòmber i hende muhé. Pues un tema ku ta rekerí konsientisashon kontinuo, koperashon i determinashon di henter un komunidat den un pais pa asina efektivamente por kombatí i eliminá tur tipo di akoso i violensia kontra e hende muhé. Tambe den kuadro manera ONU Mujeres a indiká den un seshon anterior di Parlatino ta super importante ku un plan nashonal pa kombatí tur tipo di violensia ta den full ehekushon den kada pais di e region di Latino Amérika i di Karibe.

 

.

. .

.

Advertisements
error: Content is protected !!
%d bloggers like this: