Advertisements

ARUBA TA CONOCE E DI 8 MORTO DEN TRAFICO.

ARUBA TA CONOCE E DI 8 MORTO DEN TRAFICO.

Dialuna madruga pa 00:34 central di polis ta wordo notifica door di AC cu un accidente a caba di tuma lugar riba e caminda di bubali. Ta dirigi e patruya di noord na e sitio di e sucedido y na nan yegada ta topa cu un toyota yaris color shinishi numera A-6665 cu lo a dal den un mata di kwihi.

Personal di ambulance ta yega na e sitio y ta trata na yuda e victima chauffeur pero lamentablemente no por a haci nada mas pe. Pa 1:15 dr. Texier ta constata morto di Gilbert Eloy Wernet naci na Aruba dia 1 juli 1982 ( 36 aña) y biba na papilon. Departamento di trafico a presenta na e sitio pa hasi nan investigacion. Polis technico y slachtofferhulp tambe tabata presente.

Nos di Cuerpo Policial Aruba ta manda palabra di condolencia na famia di e fayecido.

Advertisements
error: Content is protected !!
%d bloggers like this: